Dehqonov Sardor sobir o`g`li A: 2-ma'ruza. Axborot jarayonlarining texnik va dasturiy ta’minoti

Ichki xotira quyidagi xossalarni o’zida mujassamlashtiradi:

Diskretlik – xotira alohida bitlardan tashkil topgan yacheykalardan iborat bo’ladi;

Manzillanganlik (adreslanganlik). Kompyuterni ichki xotirasidagi barcha baytlar nomerlanadi. Nomerlash 0 dan boshlanadi. Baytning tartib nomeri uning manzili (adresi) deb ataladi. Xotiraga axborotni kiritish, shuningdek uni xotiradan chiqarish, uning manziliga ko’ra amalga oshiriladi.

Kesh xotira yoki yuqori darajadali tezkor xotira. Bu xotiradan mikroprosessor va operativ xotirada orasidagi axborot almashinuvida qo’llaniladigan, axborot sig’imi uncha katta bo’lmagan tezkor xotira. Uning vazifasi prosessorning axborotni qayta ishlash tezligi bilan operativ xotirani ishlash tezligi orasidagi farqni bartaraf qilishdan iborat.

Doimiy xotira (ROM) – energiyaga bog’liq xotira. Bu xotirada mutlaqo o’zgartirib bo’lmaydigan berilganlar (dasturlar) saqlanadi. Doimiy xotirani mazmuni qurilmani tayyorlash jarayonida unga maxsus usullar bilan doimiy saqlash uchun joylashtiriladi. Bu xotira faqat o’qilishi mumkin. Doimiy xotiraga asosan prosessorni boshqarish dasturlari yoziladi. Shuningdek bu xotirada, displey, klaviatura, printer, tashqi xotirani boshqarish, kompyuterni yuklash va o’chirish, qurilmalarni testlash dasturlari joylashtiriladi.

Tashqi xotira – shunday qurilmaki, u katta hajmdagi axborotlarni uzoq muddatli saklashga mo’ljallangan bo’ladi. Tashqi xotira energiyaga bog’liq emas, ichki xotiraga nisbatan tezligi birmuncha past, lekin ko’proq axborot sig’imiga ega bo’ladi.

Tashqi xotira qurilmalariga magnit va optik disklar, qattiq disk (venchester) va flesh xotiralar kiradi.