Ádebiyat -klàSLÀr ushín sàBÀQLÍq qàràqàlpàqstàn Respublikàsı Xàlıq bilimlendiriw ministrligi tàstıyıqlàǵàn Qayta islengen hám tolıqtırılǵan 4-basılımı NÓkis «bilim» 2019 p I k I r b I l d I r I w s h I l e r

Gúlayım:
— Atasınıń basına barıp
Ariya muzıka
Árman menen aǵızıpsań jasıńdı,
Joq eteyin saǵan dushpan qasıńdı,
Surshaxannıń keyninen quwaman,
Tilekles bol kóter ata basıńdı,
Sawıtlardı bir túymeden ilemiz,
Jaw quwmaǵa bedewlerdi minemiz.
Jarıq etip qarańǵılıq keshińdi,
Alla maǵan bergey seniń kúshińdi,
Janım ata Surtayshaday zalımnan,
Ólmesem alarman barlıq óshińdi.
(5 — 6 qız mehribanlıq etip, ótirikten jaradar bolǵan, azap-aqıret kórgen 
Jurındı ákeler, Jurınnıń bet awzı daladay qan, ústi-bası kútá ábiger tart-
qan, túri-túsi óler halında. Qızlar úńilip).
Qızlar:
— Jurın ǵoy. Way-way biyshara ay!
Gúlayım:
— Suw beriń, suw! 
(Qızlar suw berer, Jurınǵa jan ene bas-
lar, Zorǵa sóyler).

---

24
Jurın:
— Kórer kúnler bar meken?
Qorlandıq ǵoy Surshadan,
Qáwender bizge barmeken?
Sárbinaz:
— Qapa bolma Jurın,
Batırlarıń eldi qorǵar,
Jaw zulımlıq etse sansız,
Onıń zawalın tartar.
Gúlayım:
— Bizge málim ótken zalımnıń izi,
Umıtpas daǵ saldı haywannıń isi.
(Aygúlge qarap)
Sen Arslanǵa jet,
Hal-awhaldı bayan et,
Búgin biziń basqa is tústi,
Aǵayinshiliǵin etsin.
Anıq maǵan yar bolsa,
Ózin jigitke sanasa,
Dárbentte izimnen jetsin. 
(Aygúl qullıq etip shıǵar. Gúlayım Uzaqbergenge qarap)
Ǵálle xananı ashıp pa?
Uzaqbergen:
— Joq ashalmasa kerek.
Gúlayım:
— Onda onı giltin tawıp ashıń.
Ishi tolı ǵálle ash-arıqqa taratıń.
Uzaqbergen:
— Bul aqılıń júdá maqul qızım.
Gúlayım:
— 
(Xor, muzıka, Qızlarına).
Biriń sińlim, biriń úlken qurdasım,
Burınnan-aq aqılgóyli sırlasım,
Qapalıqtı qoyıń endi sarsılıp,
Turıń, qáne, batır qırq qız joldasım...
N a q ı r a t ı :
Ata-ana, el elat namısın,
Ólgenshe hárwaqıt saqlaymız.
Jan pida tuwısqan xalıq ushın,
Ananıń sútlerin aqlaymız.
Gúlayım:
— Kóp sarsılıp, qapalıqtı qoyayıq,
Jeńdi túrip, bekkem beldi buwayıq,
Elimizdi wayran etken dushpannan,
Quwıp jetip óshimizdi alayıq. 

---

25
N a q ı r a t ı :
Ata-ana, el-elat namısın,
Ólgenshe hárwaqıt saqlaymız.
Jan pida tuwısqan xalıq ushın,
Ananıń sútlerin aqlaymız.