Ádebiyat -klàSLÀr ushín sàBÀQLÍq qàràqàlpàqstàn Respublikàsı Xàlıq bilimlendiriw ministrligi tàstıyıqlàǵàn Qayta islengen hám tolıqtırılǵan 4-basılımı NÓkis «bilim» 2019 p I k I r b I l d I r I w s h I l e r

Kórinis
(Saylı lashkerlerdi baslap Surshaxan kirer. Hámme qullıq etedi. Xan 
bálentke ótip turadı). 
Mástan:
— Ullı xanımız, hámme is óz jayında, tap siz aytqanday 
bejerilip atır. Házir Sarkop — eliniń aǵası, sárkardası, atası Alliyar us-
lanıp keledi.
(Aytqanınsha-aq Alliyardı qolın baylap zorǵa alıp shıǵar. Qol ayaǵı 
baylawlı bolsa da biraz julqınadı. Qarsı kelgen Surshaxandı nuqıp jiberip 
qulatadı. Láshkerler kóplep uslaydı. Bul waqları «zalım, urı, qaraqshı, 
naymıt» degen sózler aytıladı).
(Ariya)
Alliyar:
— Aqılsız, aqmaq Surtaysha,
Mártlik isti bilmediń,
Batırların Sarkoptıń,
Hesh bir kózge ilmediń,
Xan emesseń urısań,
Attıń jalın órmediń,
Urı demey ne deyin,
Saltanat tutıp kelmediń,

---

20
Aqılsız aqmaq Surtaysha,
Márt dástúrin bilmediń,
Hal salısıp sawashta,
Kúsh sınasıp kórmediń.
Sursha:
—
(Shaqalaqlap kúledi)
Ey jállatlar.
Alliyardı aparıp shalıń qarqıratıp,
Qolǵa túsken láshkerlerin,
Darǵa asıńlar sarqıratıp.
Atıń, shabıń pútkil jerin,
Dúnya — malın talańlar.
(Dabıl qaǵılar, Surshaxan láshkerleri buyrıqtı bejeriwge kiriser, talaw, 
órtew, baslanar). 
Amanqul: 
— 
(Surshaxannıń ayaǵına jıǵılıp sóyleydi).
Sayeke: 
— Ullı xanımız. Sizdi keledi dep jol ashtıq. Jaqsılıqqa jaqsılıq 
degen eldi búldirmewińizdi soraymız.
Sursha:
— 
(Qáhárlenip)
Ax. Jaqsılıq. mine jaqsılıq.
Ekewinde qanjar menen shanshıp óliklerin alıp shıǵadı.
Kórinis
(Otbasqannıń láshkerleri kirer. Xannıń uslań, baylań degen sózleri 
shıǵar. Lashkerleri kóplep uslar. Ayaq qolın baylar. Surshaxan Otbasqannıń 
batırlıǵına hayran qalıp qasına keler, arqasınan qaǵar).