Ádebiyat -klàSLÀr ushín sàBÀQLÍq qàràqàlpàqstàn Respublikàsı Xàlıq bilimlendiriw ministrligi tàstıyıqlàǵàn Qayta islengen hám tolıqtırılǵan 4-basılımı NÓkis «bilim» 2019 p I k I r b I l d I r I w s h I l e r

Ínjıqbay:
—
(Oylanıp ilajsızdan). 
Boladı.
 (shıǵıp keter).
Jurın:
— Qáne endi bul lámser jumıs pitirse.
Ebin tawıp barlıq giltti keltirse 
Dım bolmasa, ózim baratuǵınım ǵoy.
Kórinis
(Hawlıǵıp jatqan jerinen turıp, sońında shorıları Aqsulıw keler, Jurın 
iyilip sálem berer)
Aqsulıw:
—
(Jurınǵa)
, Anıqlap soradıń ba kim eken ózi?
Jurın:
— Soradım, jeńgejan, soradım,
Ilmi ǵayıp adamlar,
Pirlerge usaǵan sózi.
Aqsulıw:
— Má, onda gilt, ash!
Kóreyik kim eken ózi.
(Jurın dárwazanı ashar).
Kórinis
(Aldında sálleli, hasalı Mástan, sońında 10 — 15 muridlerdey bolıp 
kiyingen adamlar. Hámme qullıq etip kútip alar).
Mástan:
—
(Ariya muzıka).
Hawa jawsa aydın kóller hól bolar,
Jıldan-jılǵa bul dáwletiń mol bolar,
Men bir júrgen Gúlayımnıń pirimen,
Tarıqqanda qollap mádetker bolar.
Kelip edim muridlerim qasımda,
Neshshe múshkil xızmetim bar basımda,
Pir kelgende kórinbeydi Gúlayım,
Bul qız dep-aq aǵardı ǵoy shashım da.
(Hámme jıǵılıp tájim eter. Baǵdan qız-jigitler birden birge jıynalıp hay-
ran qalısıp turar). 
Aqsulıw:
— Qaraǵım Gúlayımnıń piri bolsańız,
Mehribanı bolıp halın sorasańız,
Sapar shegip ketken edi atlanıp,
Keler bálkim sabır etip tursańız,
Rahmet áyleyik úyge kirińlrer,
Súygilikli bizge miyman bolıńlar.
Sharshap kelip uyqılap atır Alliyar.
(Shorılarına)
Dárhal turıń, oyatıńlar:

---

19
Mástan:
— 
(Shaqqanlıq penen oyatpaǵa ketetuǵınlardı toqtatıp).
Toqtap turıń asıqpayıq periler.
Turǵızadı Alliyardı múridler,
(5 — 6 múrid, ishkerige kirip keter, Mástan qız, jigitlerge qarap)
Jigit-jeleń awlaq bolar pirlerden,
Jan balalarım qashıq júriń bizlerden,
(Qız, jigitler qullıq etip shıǵar. Mástan Aqsulıwdıń qolınan uslap ortaǵa 
keler. Múridlerine buyrıq retinde).
Alliyardıń eltiyshanı berman kel,
Ey, múridler, ter shıqpasın aqsın sel.
(Múridler dárhal Aqsulıwdıń awzın bastırıp, alıp shıǵadı. Múridler, 
Mástan ózleriniń maskaların alar).
— Tez dárwazanı ashıń, Jurın óziń láshkerlerge bas bolıp, aytılǵan 
jerlerge bar!
Jurın:
— 
(Qullıq etip)
Ájep boladı.
(Dárwazanı tez ashar. Surshanıń láshkerleri kirer. Jurın bir toparına 
bas bolıp tórge keter).