Давлатчилик тарихи. Маъруза матни 3-курс 1-Мавзу. Сўнги ўрта асрларда Ўзбек хонликлари

ЮНЭСКО ижроия қўмитасининг махсус қарорига биноан:

• 
  1997 йил – Бухоро ва Хива шаҳарларининг 2500 йиллиги нишонланди.
  
• 
  2002 йил – Термиз шаҳрининг 2500 йиллиги нишонланди.
  
• 
  2002 йил – Шаҳрисабз шаҳрининг 2700 йиллиги нишонланди.
  
• 
  2003 йил – Нукус шаҳрининг 70 йиллиги нишонланди ва шаҳр “Дўстлик” ордени билан мукофотланди.
  
• 
  2006 йил – Қарши шаҳрининг 2700 йиллиги нишонланди.
  
• 
  2006 йил – Хоразм Маъмун академиясининг 1000 йиллиги нишонланди.
  
• 
  2007 йил – Самарқанд шаҳрининг 2750 йиллик юбилейи ўтказилди.
  
• 
  2007 йил – Марғилон шаҳрининг 2000 йиллик юбилейи ўтказилди.
  
• 
  2009 йил – Тошкент шаҳрининг 2200 йиллик юбилейи ўтказилди.
  

2. Ўзбекистонда ёшлар сиёсати
Ёшлар ташкилоти. Ўзбекистон мустақилликка эришгач мамлакат ёшларини бирлаштириш учун “Ёшлар иттифоқи” ташкилоти тузилди. Ташкилот ёшларни ўз пленуми ва конференциялари қарорларини бажаришга сафарбар қилишга уриниши, қарорларга ёшларнинг манфаатлари ва эҳтиёжлари тўла акс этмаганлиги натижасида 1996 йилда “Ёшлар иттифоқи” ташкилоти тугатилиб, Ўзбекистон Республикаси ёшларининг “Камолот” жамғармаси тузилди. “Камолот” жамғармасининг вазифаси ёшларнинг манфаат ва эҳтиёжларини ўрганиш, уларни қондириш юзасидан дастурлар тузиш ва давлат кўмагида ҳаётга тадбиқ этишдан иборат эди. Бироқ “Камолот” ёшлар жамғармаси бу вазифаларни бажара олмади, ёшларнинг ҳақиқий маънодаги етакчисига айлана олмади, деб топилди.
2001 йил Тошкентда бўлган ёшлар қурултойида ўзини ўзи бошқарадиган нодавлат, нотижорат ташкилот – Ўзбекистон Республикаси “Камолат” ёшлар ижтимоий ҳаракати тузилди. ”Камолат” ёшлар ижтимоий ҳаракатининг асосий мақсади - ёшларни бирлаштириш, жамиятда муносиб ўринни эгаллашга кўмаклашиш, уларнинг манфаатларини ҳимоя қилиш, ёш йигит-қизларнинг ўз ақл-заковати, куч-ғайратини тўла намоён этиши учун зарур шарт-шароит яратиб бериш, ёш авлоднинг таянчи ва суянчи бўлишдан иборатдир. Ҳаракатнинг Қорақалпоғистон Республикаси, вилоятлар, Тошкент шаҳар, туман ва шаҳар бўлимлари, таълим муассасалари, ҳарбий қисмлар, ҳуқуқ-тартибот органларида бошланғич ташкилотлари тузилди. Улар 14-28 ёшдаги Ўзбекистон фуқароларини ўз сафларида ихтиёрий равишда бирлаштирган ҳолда фаолият кўрсатди.
2017 йил 30 июнда Ўзбекистон Президенти Ш.Мирзиёев иштирокида “Камолат” ёшлар ижтимоий ҳаракати (ЁИҲ) қурултойи бўлиб ўтди. Қурултойда “Камолат” ЁИҲ ташкилоти тугатилганлиги ва “Ўзбекистон Ёшлар иттифоқи” ташкил этилганлиги эълон қилинди. Ёшларнинг муаммолари ҳамда ташаббуслари Ўзбекистон Президентининг тўғридан-тўғри эътиборида бўлишини таъминлаш мақсадида “Ўзбекистон Ёшлар иттифоқи” раиси бир пайтнинг ўзида Президентининг Давлат маслаҳатчиси лавозимида бўлиши ҳам белгилаб қўйилди.

• 
  1996 йилда “Камолот” ёшлар жамғармаси тузилди. 2001 йил бу жамғарма “Камолат” ёшлар ижтимоий ҳаракати (ЁИҲ) га айлантирилди. 2017 йил “Камолат” ЁИҲ тугатилиб, “Ўзбекистон Ёшлар иттифоқи” ташкил этилди.