Davlat xizmati tushunchasi Davlat xizmatining jamiyatda tutgan o’rni Davlat xizmatidan foydalanish

Qonuniylik printsipiga asosan, davlat xizmatini tashkil etish va faoliyat ko’rsatishi huquq normalariga asoslanishi hamda jamiyat va fuqarolarning manfaatlarini ta’minlagan holda amalga oshirilishi lozim.

Davlat xizmati O’zbekiston Respublikasining Konstitutsiyasida ko’rsatib o’tilgan davlat hokimiyatining tizimi asosida, ya’ni hokimiyatning qonun chiqaruvchi, ijro etuvchi va sud hokimiyatiga bo’linishi asosida tashkil qilinadi. Davlat hokimiyati xalq manfaatlarini ko’zlab va O’zbekiston Konstitutsiyasi hamda uning asosida qabul qilingan qonunlar vakolat bergan idoralar tomonidangina amalga oshiriladi. Hokimiyat organlari bir-biridan mustaqil bo’lib, ularning har biri davlat oldida turgan ma’lum bir vazifa va funktsiyalarni amalga oshiradilar. Huquqiy demokratik davlat qurishning muhim belgilaridan biri ham davlat vakolat­larini hokimiyat organlari o’rtasida taqsimlashdir.

Qonunchilikka binoan, fuqarolar davlat xizmatida bevosita ishtirok etishlari mumkin. Bunday ishtirok davlat xizmatida ma’lum bir faoliyatni amalga oshirish yoki davlat organlariga murojaat qilish orqali amalga oshirilishi mumkin. Jumladan, O’zbekiston Konstitutsiyasining 32-moddasiga binoan, fuqarolar jamiyat va davlat ishlarini boshqarishda bevosita va o’z vakillari orqali ishtirok etish huquqiga egadirlar. Konstitutsiyaning 35-mod­dasiga binoan esa, har bir shaxs bevosita o’zi va boshqalar bilan birgalikda vakolatli davlat organlariga, muassasalariga yoki xalq vakillariga ariza, taklif, shikoyatlar bilan murojaat qilish huquqiga ega. Ta’kidlash joizki, O’zbekiston Respublikasi fuqaro­larigina davlat xizmatida bevosita ishtirok etish huquqiga ega hisoblanadilar.

1^ Қаранг: Хожиев Э.Т. Давлат хизмати. – Т., 2004. – Б. 17.