Davlat tili haqida

Sinonim so’zlarning farqi
Lug’aviy sinonimlar garchand bir umumiy ma’noni ifodalasa ham, lekin ularning ma’no darajasi, ijobiy yoki salbiy bahoga egaligi, ma’lum uslubga xoslanishi bilan bir-biridan farqlanadi. Nutqiy jarayonda so’zlovchi maqsadga muvofiq ravishda sinonimlar qatoridagi so’zlardan birini tanlaydi. M: Shivirlamoq, gapirmoq, baqirmoq, bo’kirmoq so’zlari so’zlash umumiy ma’nosi bilan bir xil bo’lsa ham, ular ovozning baland-pastligiga ko’ra farq qiladi. Shuningdek, to’ng’illamoq, ming’irlamoq, vaysamoq, javramoq so’zlari ham so’zlash umumiy ma’nosi bilan yuqoridagi so’zlar bilan birlashadi, lekin ulardan salbiy bahoga egaligi bilan farq qiladi. Irod etmoq, bayon etmoq singari so’zlar kitobiy uslubga xoslanishi bilan farqlanadi
Yoki: oraz, uzor, ruxsor, chehra, jamol, yuz, bet, aft, bashara, nusxa, turq qatorida yuz so’zi dominant bo’lib, kuchayib boradi, ya’ni bet so’zida salbiylik juda oz bo’lib, u yuz so’ziga yaqin turadi, aft so’zida salbiylik biroz ko’paygan, bashara so’zida yana kuchaygan, turq so’zida esa salbiy baho hammasidan kuchliroqdir. Bu sinonimik qatordagi oraz, uzor, ruxsor kabilar eskirgan bo’lib, badiiy uslub uchun xos, bashara so’zi ko’proq so’zlashuv uslubida ishlatiladi.