Davlat soliq xizmati organlari faoliyatiga oid savol-javoblar

41. O‘zbekistonda soliqlar va yig‘imlar joriy qilishga kim haqli? 
Javob: 
Soliqlar joriy qilishga faqat O‘zbekiston Respublikasining Oliy Majlisi haqli. 
Soliqlar va yig‘imlarni belgilash, joriy etish, hisoblab chiqarish va boshqa shu kabi 
munosabatlar O‘zbekiston Respublikasining Soliq kodeksi bilan tartibga solinadi. 
42. O‘zbekiston Respublikasi Davlat soliq qo‘mitasi Raisi kimga Qo‘mita 
faoliyati to‘g‘risida muntazam ravishda hisobot beradi? 
Javob: 
VMning 2019 yil 17 apreldagi 320-sonli qaroriga asosan, Qo‘mita raisi 
O‘zbekiston Respublikasi Vazirlar Mahkamasi va O‘zbekiston Respublikasi Prezidenti 
oldida Qo‘mita faoliyati to‘g‘risida muntazam ravishda hisobot beradi.
43. Soliq solish prinsiplari 
Javob: 
SK-7-moddasiga asosan Soliq solish majburiylik, aniqlik va soliq 
organlarining soliq to‘lovchilar bilan hamkorligi, adolatlilik, soliq tizimining yagonaligi, 
oshkoralik va soliq to‘lovchining haqligi prezumpsiyasi prinsiplariga asoslanadi. 
44. Qanday to‘lovlar royalti deb e’tirof etiladi? 
Javob: 
SKning 44-moddasi Har qanday nomoddiy aktivdan foydalanganlik yoki 
foydalanish huquqi uchun to‘lovlar royalti deb e’tirof etiladi 
san’at, adabiyot, ilm-fan, shu jumladan dasturiy ta’minot va ma’lumotlar 
bazalariga, chizmaga, dizaynga yoki modelga, rejaga, maxfiy formulaga, texnologiyaga 
yoki jarayonga, audiovizual asarlarga hamda turdosh huquqlar ob’ektlariga, shu jumladan 
ijrolar va fonogrammalarga bo‘lgan mualliflik huquqlari tushuniladi. 
45. Soliqlar va yig‘imlar farqi 
Javob: 
Soliq deganda ushbu Kodeksda belgilangan, O‘zbekiston Respublikasining 
Davlat budjetiga yoki davlat maqsadli jamg‘armasiga to‘lanadigan majburiy beg‘araz 
to‘lov tushuniladi. 
Yig‘im deganda budjet tizimiga ushbu Kodeksda yoki boshqa qonunchilik 
hujjatlarida belgilangan majburiy to‘lov tushuniladi, bu yig‘imning to‘lanishi uni 
to‘lovchi shaxsga nisbatan vakolatli organ yoki uning mansabdor shaxsi tomonidan 
yuridik ahamiyatga ega harakatlarni amalga oshirish, shu jumladan unga muayyan 
huquqlarni yoxud ruxsat etuvchi hujjatlarni berish shartlaridan biri bo‘ladi.