Davlat soliq xizmati organlari faoliyatiga oid savol-javoblar

32. Qanday mol-mulklar jismoniy shaxslardan olinadigan mol-mulk 
solig‘ining soliq solish ob’ekti hisoblanadi? 
Javob: 
O‘zbekiston Respublikasi hududida joylashgan quyidagi mol-mulk 
jismoniy shaxslardan olinadigan mol-mulk solig‘ining soliq solish ob’ekti hisoblanadi. 
1) uy-joylar, kvartiralar, dala hovli imoratlari; 
2) tadbirkorlik faoliyati va (yoki) daromad olish uchun mo‘ljallangan yashash 
uchun mo‘ljallanmagan ko‘chmas mulk ob’ektlari; 
3) qurilishi tugallanmagan yashash uchun mo‘ljallanmagan ob’ektlar. 

---

Qurilishi tugallanmagan yashash uchun mo‘ljallanmagan ob’ektlarga ushbu 
ob’ektni qurishga doir loyiha-smeta hujjatlarida belgilangan normativ muddatda qurilishi 
tugallanmagan ob’ektlar, agar qurilishning normativ muddati belgilanmagan bo‘lsa, 
ushbu ob’ektning qurilishiga vakolatli bo‘lgan organning ruxsatnomasi olingan oydan 
e’tiboran yigirma to‘rt oy ichida qurilishi tugallanmagan ob’ektlar kiradi; 
4) ko‘p kvartirali uylarga uzviy bog‘liq bo‘lgan avtomashina turar joylari, 
shuningdek boshqa imoratlar, binolar va inshootlar. 
33. Konstitutsiyaga muvofiq O‘zbekiston hududida qanday soliq tizimi amal 
qiladi? 
Javob: 
O‘zbekiston Respublikasi hududida yagona soliq tizimi amal qiladi. 
Soliqlar joriy qilishga faqat O‘zbekiston Respublikasining Oliy Majlisi haqli.
34. 2017-2021 yillarda O‘zbekiston Respublikasini rivojlantirishning beshta 
ustuvor yo‘nalishi bo‘yicha Harakatlar strategiyasini Iqtisodiyotni rivojlantirish va 
liberallashtirishning ustuvor yo‘nalishlarida Makroiqtisodiy barqarorlikni yanada 
mustahkamlash va yuqori iqtisodiy o‘sish sur’atlarini saqlab qolish maqsadida soliq 
sohasida qanday chora-tadbirlar amalga oshirilishi ko‘zda tutilgan? 
Javob: 
Harakatlar strategiyasining uchinchi yo‘nalishida soliq yukini kamaytirish 
va soliqqa tortish tizimini soddalashtirish siyosatini davom ettirish, soliq 
ma’muriyatchiligini takomillashtirish va tegishli rag‘batlantiruvchi choralarni 
kengaytirish.