Давлат солиқ хизмати органлари мансабдор

228-савол. Анонс, пресс-релиз, пресс-кит ва маълумотномаларни 
тарқатишнинг яна қандай илғор усуллари мавжуд? 
Жавоб: 
Тайёр пресс-релизларни расмий веб-саҳифа орқали онлайн 
тарзда, электрон почта ҳамда факс орқали тарқатиш ёки бевосита 
таҳририятларга етказиб бериш мумкин. Сабаби, афсуски, айрим газета ёки 
журналлар саҳифаларида расман эълон қилинаётган электрон манзиллар 
баъзан ишламайди. Матбуот анжуманига келган мухбирларга эса тадбир 
ташкил этилаётган жойнинг ўзида тарқатилади.
229-савол. Пресс-тадбирларда интервью берувчилар билан қандай 
ишланади? 
Жавоб: 
Бу масалага матбуот анжуманидан бир неча кун олдин 
тайёргарлик кўриш керак. Қайси раҳбар ёки масъул ходим қайси тилда (ўзбек, 
рус, инглиз ва ҳ.к.), улардан ким газетага, журналга, ахборот агентлигига, ким 
радио ёки телевидениега, яна ким Интернет ОАВ вакилларининг саволларига 
жавоб беришини аниқлаб олиш муҳимдир.
230-савол. Матбуот анжумани ва брифингнинг ўзаро фарқи 
нимада? 
Жавоб: Матбуот анжумани 
- бу иштирокчилар сони бўйича нисбатан 
кенг кўламли тадбир бўлиб, унда жуда кўп ОАВ иштирок этади. Унда 
мансабдор шахс матбуотга турли воқеалар юзасидан шарҳлар беради ва 
журналистларнинг саволларига жавоб беради. Матбуот анжуманининг 
давомийлиги тахминан 1,5-2 соатни ташкил этади. 

---

64 
Кўпинча матбуот анжумани расмийларнинг журналистлар билан 
мулоқоти билан бевосита боғлиқ бўлмаган, лекин муҳокама қилинаётган 
воқеалар мавзусига мос келадиган бошқа тадбирлардан иборат бўлади. Бу, 
масалан, асосий нутқлар, тақдимотлар, экспертлар иштирокидаги 
муҳокамалар бўлиши мумкин. 
Брифинг - 
Матбуот анжуманидан фарқли ўлароқ брифинг долзарб 
янгиликни тезлик билан тарқатиш ва уни қисқача қилиб матбуот вакилларига 
баён қилиш учун ташкил этилади. Брифинг 15-20 дақиқа давом этади (бриеф 
сўзи инглизчадан “қисқа”, деб таржима қилинади). Ташкилот фаолияти, 
йўналишлари бўйича олинган натижалар тўғрисидаги муҳим маълумотни, 
давлат бошқарув органлари вакилларининг расмий фикрини, яъни муқаддам 
ҳеч қаерда маълум қилинмаган хабарни ОАВ вакилларига етказиш учун 
брифингдан фойдаланилади.