Давлат солиқ хизмати органлари мансабдор

давлат тилида 
тайёрланади. Шу билан бирга, 
уларни албатта 
рус тилига 
ва зарур ҳолларда бошқа етакчи хорижий тилларга 
ҳам пухта таржима қилиб қўйиш тавсия қилинади. Чунки тадбирни ёритувчи 
мухбир биринчидан, пресс-релизни таржима қилишга вақт топа олмаслиги 
мумкин, иккинчидан агар таржима қилган тақдирда ҳам хатоликларга йўл 
қўйиши эҳтимолдан ҳоли эмас. 
Энг асосий мақсад пресс-релизнинг охиригача қизиқиб ўқилишига 
эришиш керак. Шу маънода янгиликлар жанри қоидаларидан унумли 
фойдаланиш ўринли бўлади. Жойлар ва ташкилотлар номлари тўлиқ 
ва бехато, аниқ ёзилиши тавсия этилади. Масалан, БАА ёки ЕХҲТ-ДИИҲБ 
деган қисқартма сўзлар бирикмасини газетада шундоқлигича ёритиш мумкин 
эмас. Европада хафсизлик ва ҳамкорлик Ташкилотининг Демократик 
институтлар ва инсон ҳуқуқлари бўйича Бюроси, деб батафсил ёзиб, сўнгра 
қавс ичида (кейинги ўринда – ЕХҲТ-ДИИҲБ) деб кўрсатиш мақсадга 
мувофиқдир. Яна бир мисол, “МСК” деган ёзувга илгари дуч келмаган киши 
унинг – айнан Марказий сайлов комиссияси эканлигини билмаслиги мумкин. 
Пресс-релизда кишиларнинг исм-шарифларини тўлиқ ва тўғри ёзиш керак. 
Масалан, Ж.К.Тухтаев эмас, балки Жўрақул Комилович Тўхтаев тарзида ёзиш 
зарур. Ўшанда уни телевидение ёки радиода ўқиб эшиттиришда ҳам 
ноқулайлик туғилмайди. Мухбир учун маълум бир шахс нутқидан олинган 
иқтибоснинг аниқлиги, аслиятга мослиги муҳимдир.
Пресс-релизнинг қуйидаги турлари мавжуд: 

---

63 
Янгилик ёки воқеа ҳақида қисқача пресс-релиз. 
Бу турдаги пресс-
релизларда ташкилот ҳақида батафсил маълумотлар берилмайди. Унда бор-
йўғи 2-3 abzasдан иборат матнда фақат бугунги кун билан боғлиқ ёки яқин 
кунларда содир бўладиган муайян муҳим воқеа ҳақида хабар берилади.
Резюме ёки шарҳ.
Пресс-релизларнинг ушбу тури ҳам ўзига хосдир. 
Унда сиз меҳнат қилаётган ташкилот раҳбариятининг сўнгги нутқлари, 
баёноти, мақоласи ёки тайёрланаётган муҳим ҳужжатлар тўғрисида 
умумлаштирилган таҳлилий материал берилиши мумкин. Янгиликлар ёзиш 
қоидаларига таянган ҳолда, нутқдаги асосий тезисларга урғу бериш тавсия 
этилади. Шунингдек, шарҳингизда кўтарилаётган масаланинг ижтимоий 
аҳамиятига алоҳида эътибор қаратиш керак бўлади.
Пресс-анонс. 
Бу алоҳида пресс-релиз тури бўлиб, у ўтказилиши 
кутилаётган 
тадбир 
ҳақида 
олдиндан 
тайёрланадиган, 
муҳими, 
ОАВ вакилларига эълон бериладиган восита ҳисобланади. Бошқача айтганда, 
у журналистлар учун оддий таклифнома вазифасини ўтайди. Унда Ким? 
Нима? Қачон? ва Қаерда? каби оддий 4 та саволга жавоб берилиши керак. 
Унда тадбир ҳақида қисқа, умумий маълумот келтирилади, холос.