Давлат божхона хизмати органларига

БОЖХОНА ЧЕГАРАСИДАН ЎТКАЗИШ ПУНКТЛАРИДА ИККИ ЙЎЛАКЛИ ТИЗИМНИНГ (ҚИЗИЛ ВА ЯШИЛ ЙЎЛАК) ҚЎЛЛАНИЛИШИ
Вазирлар Маҳкамасининг 2017 йил 11 октябрдаги 814-сон қарори билан 2018 йил 1 январдан бошлаб Ўзбекистон Республикасининг халқаро аэропортларида икки йўлакли тизим (“яшил” ва “қизил” йўлак) амалиётга жорий қилинди:
“Яшил” йўлак орқали ҳаракатланаётган йўловчилар товар ва валюта бойликларини оғзаки декларациялайди:
-олиб кириш ёки олиб чиқиш тақиқланмаган товарлар;
-қиймати ва (ёки) миқдори божсиз олиб кириш нормасидан ва акциз солиғи солинмайдиган товарларни олиб кириш нормасидан ошмайдиган товарлар;
-ёзма декларациялаш талаб этмайдиган ҳамда олиб кириш ва олиб чиқишга рухсат этилган Ўзбекистон Республикасининг нақд миллий валютаси ҳамда хорижий валютасининг чекланган нормалари миқдоридаги маблағлар.
“Қизил” йўлак орқали ҳаракатланаётган йўловчи эса товар ва валюта бойликларини ёзма декларациялайди:
-олиб кириш ёки олиб чиқиш тақиқланган товарлар;
-қиймати ва (ёки) миқдори божсиз олиб кириш нормасидан ва акциз солиғи солинмайдиган товарларни олиб кириш нормасидан ошадиган товарлар; 
-ёзма декларациялаш талаб этиладиган Ўзбекистон Республикасининг нақд миллий валютаси ва нақд хорижий валюталар. 
ЖИСМОНИЙ ШАХСЛАР ТОМОНИДАН НАҚД ХОРИЖИЙ ВАЛЮТАНИ ОЛИБ КИРИШ ВА ОЛИБ ЧИҚИШ НОРМАЛАРИ
Ўзбекистондан чиқишда: йўловчи декларациясини тўлдирмаган ҳолда 2000 (икки минг) АҚШ доллари эквивалентидан кам бўлган миқдорда; йўловчи декларациясини тўлдирган ҳолда 2000 (икки минг) АҚШ доллари эквивалентидан ортиқча миқдорда; шунингдек эквиваленти 5 000 (беш минг) АҚШ доллари ёки ундан ортиғи миқдорда: резидентлар томонидан - Ўзбекистон Республикаси Марказий банкининг рухсатномаси асосида.
Норезидентлар Ўзбекистон Республикасига кириш чоғида тўлдирилган йўловчи божхона декларациясида кўрсатилган нақд хорижий валюта суммасидан ортиқ бўлмаган миқдорда олиб чиқиш ҳуқуқига эга.
Ўзбекистонга киришда: чекланмаган миқдорда нақд хорижий валютани олиб киришга рухсат этилади.


ЖИСМОНИЙ ШАХСЛАР ТОМОНИДАН ТОВАРЛАРНИ ЎЗБЕКИСТОНГА БОЖСИЗ ОЛИБ КИРИШ