Давлат божхона хизмати органларига

ЖИНОЯТ ТУШУНЧАСИ
Жиноят кодекси билан таъқиқланган, айбли ижтимоий хавфли қилмиш (ҳаракат ёки ҳаракатсизлик) жазо қўллаш тахдиди билан жиноят деб топилади.
Жиноят деб топиладиган ҳуқуқбузарликнинг таркиби 4 та элементдан иборат бўлиб, улар қуйидагилардан иборат:
а) жиноят объекти – қонун билан ҳимоя қилинадиган ижтимоий муносабатлар;
б) жиноят субъекти – ҳуқуқбузарлик содир этган шахс (16 ёшга тўлган, алохида холларда 14 ёшга, ЎзР ЖК 97-модда 2-кисми учун 13 ёш, ақли расо шахс);
в) жиноят объктив томони – ижтимоий хавфли ҳаракат ёки ҳаракатсизлик;
г) жиноят субъектив томони – ҳуқуқбузарлик содир этган шахснинг содир этилган ҳуқуқубузарликни эхтиётсизлик ёки қасддан содир этиши ёки бошқача айтганда жиноят содир этиш вактидаги психологик муносабати.
ЎзР ЖПКнинг 329-моддаси талабларига кўра аникланган ҳолатлар бўйича суткадан кечиктирмасдан қўшимча текшириш ўтказиш зарурияти туғилганда 10 суткадан кечиктирмай жиноят иши қўзгатиш масаласи ҳал этилмоғи лозим.


КОНТРАБАНДА ЖИНОЯТИ
Ўзбекистон Республикаси Жиноят кодексининг 246-моддасига кўра:
Контрабанда, яъни божхона назоратини четлаб ёки божхона назоратидан яшириб ёхуд божхона ҳужжатлари ёки воситаларига ўхшатиб ясалган ҳужжатлардан алдаш йўли билан фойдаланиб, декларациясиз ёки бошқа номга ёзилган декларациядан фойдаланиб, кучли таъсир қилувчи заҳарли, заҳарловчи, радиоактив, портловчи моддалар, портлатиш қурилмалари, қурол-яроғ, ўқотар қурол ёки ўқ-дориларни шунингдек гиёвандлик воситалари ёки психотроп моддаларни ёки диний экстремизм, сепаратизм ва ақидапарастликни тарғиб қилувчи материалларни Ўзбекистон Республикасининг божхона чегарасидан ўтказиш - беш йилдан ўн йилгача озодликдан маҳрум қилиш билан жазоланади.
Ядровий, кимёвий, биологик ва оммавий қирғин қуролининг бошқа турларини, шундай қуролларни яратишда фойдаланилиши мумкинлиги аён бўлган материал ва мосламаларни, шунингдек гиёҳвандлик воситалари ёки психотроп моддаларни кўп миқдорда контрабанда қилиш - ўн йилдан йигирма йилгача озодликдан маҳрум қилиш билан жазоланади.