Dastlabki yillar Maktab yillari Kurash 4 Patent ofisi

Albertning mo’jizaviy matematika olamini kashf qilishi
Eynsshteynlar oilasi har doim bir ana’naga amal qilib kelgan.Bu haftaning har payshanba kuni bir kambag’al Yahudiy talabani qornini to’ydirish odati edi.Tibbiyot oliygohi talabasi bo’lgan Maks Talli ismli yigit ularning xonadonida mehmon bo’lardi.
Maks Albertni g’ayrioddiy iqtidor sohibi ekanligini tezda payqaydi va unga qiziqarli matematikaga oid kitoblarni olib kela boshlaydi.Albert Maksni mamnuniyat bilan qabul qiladi va sirli ilm dunyosiga sayr qiladi.U Maks olib kelgan kitoblarni chanqoqlik bilan o’qib-o’rganar va intizorlik bilan keyingi payshanba kunini kutardi.Unda noyob qobiliyat,juda katta hajmdagi ma’lumotlarni bir paytning o’zida xotirasida saqlay olardi.
Bundan tashqari uning matematikaga bo’lgan qiziqishi amakisi Jakob tamonidan rag’batlantirilib borilgan.Jakob yosh Albertga matematikani o’yin tariqasida ,yengil usullar bilan o’rgatishni xush ko’rardi.U turli xil boshqotirma va jumboqlarni o’ylab topar va ularni matematikaga bog’lab kulgili hikoyalar tarzida aytib berardi va bular o’z navbatida Albertni ilm-fanga bo’lgan muhabbatini yanada yuksalishiga sabab bo’ladi.
Maktabda g’am-tashvish,uyda rohat-farog’at
Albert o’n yoshga to’lganida Lyupold nomli gimnaziyaga o’qishga kiradi.Bu yerda turli xil fanlar: jumladan matematika,geografiya,adabiyot singari fanlar o’rgatilardi.
Afsuski,bu yerda ham o’sha-o’sha ‘eski hammom,eski tom edi’…O’qituvchilar bolalarni jim bo’lishlari-yu,qonun-qoidalarga so’zsiz itoat qilishlarini talab qilardi.Albert bu ta’qiqlardan jig’ibiyron bo’lar,odatdagidek savollarga shoshilmasdan javob berardi.Uning bu kabi odatlari o’qituvchilarga yana ma’qul kelmaydi.
Uning hayotida e’tiborga molik bo’lgan bir hodisa,geometriyani o’rganishida edi,do’sti Maks geometriya kitobini sovg’a qilgandi va aynan shu kitob uning hayotida o’chmas iz qoldirgan desak mubolag’a bo’lmaydi.Yosh bo’lishiga qaramasdan u bu kitobni o’zi mustaqil o’rgana boshlaydi va o’n ikki yoshligidayoq murakkab masalalarni yecha olardi.
Oradan yillar o’tib u geometriyani –‘Kichik muqaddas kitob’-degan edi.O’z ustida tinimsiz ishlagan Albert yosh bo’lishiga qaramasdan murakkab masalalarni yechishda Maksdan ilgarilab ketadi.