Dastlabki yillar Maktab yillari Kurash 4 Patent ofisi

1 Dastlabki yillar
2 Maktab yillari
3 Kurash
4 Patent ofisi
5 Mo’jizaviy yil
6 Sinov
7 Buyuk jasorat
8 Eynshteyn nazariyasiga tadqiqotlar yordam berdi
9 Mashhurlik va Eynshteyn
10 Germaniyada urush. AQSHda boshpana
11 Eynshteyn Prinstonda
12 So’ngi yillar

Amerika yozuvchisi Allison Lassier asari

1
Dastlabki yillar
Germaniyaning janubiy - g’arbiy qismida joylashgan Ulm shahri,Danub daryosi qirg’oqlaridagi tog’ tizmalari bilan tutashib ketgan.O’n to’qqizinchi asrning oxirlarida Ulm,Yevropanig ko’zga ko’ringan shaharlaridan bo’lib,ko’plab do’konlar-u,savdo rastalari bilan tirband edi.Shaharda hayot qaynar,odamlar tinch va osoyishta kun kechirardi.Ayniqsa,savdogar German Eynshteyn va uning turmish o’rtog’i Pavlina bir maromda,baxtli va osuda kun kechirardilar.
1879-yilning,14-martida Eynshteynlar oilasida o’g’il farzand tug’ildi.Bu ularning birinchi farzandi bo’lib,kichkintoyga Albert deb ism qo’yishdi,ularning xursand-chiligi yeru-ko’kka sig’masdi.Afsuski ularning xursandchiligi uzoqqa cho’zilmadi. Boisi,chaqaloqning boshi haddan tashqari katta edi.Sarosimaga tushgan ota-ona uni kasalxonaga olib borishdi.Shifokor bolakayni ko’zdan kechirarkan,ularni tinchlantirib,vaqt o’tishi bilan uning boshi normal holatga qaytishini aytadi.Darhaqiqat shifokor haq edi.Garchi uning boshi boshqalarnikiga qaraganda kattaroq bo’lsada, ulg’aygan sari o’z tanasiga mutanosib bo’lib bordi.
Kelajak dahosining tug’ilgan joyi
Albert tug’ilgan paytlar ayollarning tug’ruqxonalarda emas balki o’z uylarida ko’z yorishlari odatiy hol bo’lib, Eynshteynlar oilasi ham kichkintoy Albertni o’z xonadonlarida dunyoga kelganidan baxtiyor edilar.
Kichkintoy endigina bir yoshga to’lganida, oila boshqa uyga ko’chib o’tishadi.Shu sababli, unda o’zi tug’ilgan uy haqida deyarli xotiralar bo’lmagan.Oradan biroz vaqt o’tib ular yashagan ko’p qavatli bino butunlay buzib tashlanadi.Oradan yillar o’tib ulg’aygan Albert,o’zi tug’ilgan uy suratlarini maroq bilan tamosha qilishni xush ko’rardi.Bugungi kunga kelib, faqat bino o’rnigina saqlanib qolgan bo’lib,har yili butun dunyodan minglab sayyohlar Ulmga aynan Albert Eynshteynning tavallud topgan joyini o’z ko’zlari bilan tomosha qilish uchun tashrif buyurishadi.