Darsning texnologik xaritasi mavzu

Mavzu: ISTAK GAPLAR

DARSNING MAQSADI:

Ta'limiy maqsad - istak gap haqida tushuncha berish;

Tarbiyaviy maqsad - yosh avlodni yurtparvarlik, insonparvarlik ruhida tarbiyalash;

Rivojlantiruvchi maqsad - fuqarolik mas'uliyati hissini shakl-lantirish, rivojlantirish.

Dars turi: Yangi bilim beruvchi

Dars usuli: Savol-javob

Darsning jihozi: istak gapning ramziy chizmasi.

Darsning rejasi:

1. 
   Istak gap haqida ma'lumot.
   
2. 
   Istak gapni hosil qiluvchi vositalar.
   

Darsning borishi:

1.Tashkiliy qism:

a)salomlashish

b)davomatni aniqlash

d) she’riy daqiqalar

2. Uy vazifasini so’rash va baholash.

3.Mustahkamlash.

4.Yangi mavzusi:

O'quvchilar istak gapni alohida mavzu sifatida birinchi bor o'rganayotganliklari uchun uning darak, so'roq, buyruq gapdan farqini ochib berish orqali tushuntirish kerak. Ularni ikki jihatdan farqlash mumkin: birinchisi ma'nolariga ko'ra, ikkinchisi kesimining ifodalanishiga hamda boshqa vositalarning ishtirokiga ко 'ra. Ma'nosiga ko'ra tekshirganda, bunday gaplarda istak, orzu, xohish mazmuni yetakchilik qiladi. Kesimi esa - sa shaklidagi fe'l bilan ifodalanib, ba'zan gaplarning boshida «qani», «qani endi», «qanday yaxshi», «istaymanki» kabi boshqa vosi­talar ham bo'lishi mumkin. Sinf doskasida istak gaplar misol tariqasida tushuntirish uchun havola etilar ekan, ularning kesimi bo'lgan fe'lning turli shaxs va sonda bo'lishiga e'tibor qaratish kerak. Toki o'quvchilar - sa qo'shimchasidan keyin tuslovchi qo'shimchalarning kelishi haqida ham tushunchaga ega bo'lishsin. Masalan:

1. 
   Ertaga buvimlarnikiga borsam. -sa-m
   
2. 
   Qani endi sen ham yaxshi o'qisang. -sa-ng
   
3. 
   Qanday yaxshi, oilamiz jam bo'lsa. -sa
   
4. 
   Istaymizki, bizni ham eslab tursangiz. -san-giz 105-mashqda berilgan she'riy parchalarni yurtda doimo tinchlik
   

bo'lishi haqidagi orzu, do'stlarning o'zaro mehri va ishonchi, inson-larning teng va totuvligi borasidagi istak birlashtirib turadi. Ana shu orzu, istakni ifodalayotgan so'zlar, vositalar topiladi, sharhlanadi.

Topshiriq. Bo'lsa, kelsa so'zlari ishtirok etgan gap tuzing. Gap ma'nosini tushuntiring.

Kesimi -sa shaklidagi fe'llar orqali ifodalangan gaplar istak gap hisoblanadi. Masalan: Xorijiy tillarni yaxshi o'rganib, chet ellarga o'qishga borsam.

Istak gaplar oxiriga nuqta (.) qo'yiladi.