Darsning maqsadlari

YANGILANGAN SHE’RIYAT SOHIBI
(7-sinflarda Asqad Muxtorning hayoti va ijodi yuzasidan umumlashtiruvchi dars)
Darsning loyihasi
Ta’limiy maqsad: o‘quvchilarga Asqad Muxtor she’rlarining ilmiy va badiiy tafakkur rivojidagi ahamiyatini anglatish, adabiyotga qiziqishlarini oshirish;
Tarbiyaviy maqsad: o‘quvchilarga Asqad Muxtor ijodidagi vatanparvarlik, mehr oqibat, ezgulik, insonparvarlik, tabiatga to‘g‘ri munosabatda bo‘lishga intilish tuyg‘ularini singdirish;
Rivojlantiruvchi maqsad: Asqad Muxtor shaxsiga bo‘lgan munosabatning ijodiy tadrijini kuzatish;
Shakllantiradigan kompetensiyalar: o‘zining mustaqil fikrini to‘g‘ri, ravon tarzda bayon etish qobiliyatini shakllantirish; mavzuga oid tushunchalarning fanlar bilan aloqadorligini, o‘z bilimiga asoslangan holda savollarni mantiqan to‘g‘ri qo‘ya olish va javob berish; mavzu yuzasidan suhbatdoshi fikrini hurmat qilgan holda guruhlarda o‘zaro kelishuv asosida ishlay olish; axborot bilan ishlay olish(turli axborot manbalari, kitob, lug‘at, radio, kompyuter bilan ishlay olish), o‘z-o‘zini rivojlantirish va nutqiy kompetensiyalarni shakllantirish;


DARSNING TASHKIL ETISH TEXNOLOGIYASI
Darsning turi: o‘rganilgan bilimlarni mustahkamlovchi, yangi bilim manbalarini shakllantiruvchi;
Darsda foydalaniladigan usullar: “Klaster”, “Tadqiqot”, “Mening fikrim o‘zgacha” (badiiy tahlil usuli), “Guruhlarda ishlash”, “BBB”
Darsning jihozi: darslik, Asqad Muxtorning she’riy to‘plamlari, “Til va adabiyot ta’limi” jurnali, videoproektor, rasmlar, tarqatmali materiallar, baholash kartochkalari;


DARS JARAYONI
Tashkiliy qism.


O‘qituvchi:
Har ishning avvali assalom bilan,
Har kunning avvali xush kalom bilan.
So‘zimni boshlasam avval salom deb,
Saboq o‘tar o‘quvchim, intizom bilan.


O‘quvchilar:
Assalom, ustozim, mehri bir olam,
Assalom, bu udum bizga abadiy.
Saboqqa tayyormiz, o‘rgating bizga
Odoblar mahzani adabiy ta’lim.


O‘qituvchi:
Xona toza, saranjom,
Sarishtalik bezakdir.
Darsda hamma bo‘lishi,
O‘zimizga kerakdir.
Qani aziz o‘quvchi,
Kim sinfda navbatchi?