Darsning maqsadi

Darsning maqsadi: ta’limiy: o’quvchilarga Xiva xonligining tashkil topishi haqida ma’lumot berish; Tarbiyaviy: o’quvchilarni har bir xalq tarixiga hurmat bilan qarash ruhida tarbiyalash; Rivojlantiruvchi: o’quvchilarning matn ustida ishlay olish ko’nikmalarini rivojlantirish.

Dars turi: yangi tushuncha va bilimlarni shakllantiruvchi.

Dars metodi: savol-javob, “Aqliy hujum” metodi, guruhlarda ishlash.

Dars jihozi: darslik, mavzuga oid xarita , doska, bo’r, daftar, tarqatma materiallar, vatman qog’oz, skotch

Tashkiliy qism: Salomlashish. Davomat. Dunyo yangiliklari.

O’tilganni so’rash: Savol-javob.

1.Tarix ilmi sohasida qanday asarlar yaratildi?

2.Nishotiy va Mujrim-Obid ijodining o’xshash va o’ziga xos jihatlarini qayd eting.

3.Buxoro Shashmaqomi qachon va qayerda vujudga kelgan?

4.Musiqada bir qismli yoki turkumli cholg’u va ashula yo’llari nima deb ataladi?

Yangi mavzu: Kichik ma’ruza.

Xorazm hududida jami 20ga yaqin o’zbek qabilasi istiqomat qilar edi. Xorazmning mo’tabar zotlari mamlakat taxtiga Shaybon avlodlaridan Berka Sultonning o’g’li Elbarsxonni o’tqizishga qaror qildilar.

Xalq Elbarsxon yetakchiligida 1511-1512-yillarda Eron qo’shinlarini quvib chiqardi. Shu tariqa 1511-yilda Xorazm mustaqilligi tiklandi va bu davlat endi Xiva xonligi deb atala boshlandi. Xiva xonligida shayboniylar hukmronligi 1770-yilgacha davom etdi. Elbarsxon davrida mamlakat poytaxti Vazir shahridan Urganch shahriga ko’chirildi.