Darsning maqsadi: Ta’limiy: O’quvchilarga narsalar haqida tushuncha berish Tarbiyaviy

Darsning borishi
I. Darsni tashkil etish.
II. O‘tilgan mavzuni mustahkamlash. O‘quvchilarning nuqtalar va chiziqlardan qanday naqshlar tuzish mumkinligi haqidagi bilimlari tekshirib ko‘riladi.
III. Yangi mavzu ustida ishlash.
1. 1-misol og‘zaki bajariladi. O‘quvchilar o‘yinchoqlarning nomini va nechtadan ekanligini ko‘rib, aytib berishlari kerak.
Javob: Bitta raketa, bitta ayiqcha, bitta toycha, bitta traktor o‘yinchog‘i bor.
2. 2-misolda esa o‘quvchilar rasmga qarab, uy hayvonlaridan 1 ta sigir, 1 ta qo‘y, 1 ta echki, 1 ta it va 1 ta mushuk borligini aytib beradilar. Bir raqami bilan tanishtiriladi.
3. O‘qituvchi «koinotga uchamiz» deb, o‘quvchilarga 1 dan 10 gacha sanashlarini aytadi. O‘quvchilar koinotga uchishini «tasavvur» qiladilar. So‘ng «Endi bizga pastdan qo‘ng‘iroq qilishdi, yerga qo‘namiz», – deb 10 dan 1 gacha teskari sanash mashqini o‘tkazadi.
IV. Darslik bilan ishlash. O‘quvchilarning diqqati darslikning 13-betidagi «O‘yinchoq do‘koni» rasmiga qaratiladi va quyidagi savollar beriladi: O‘yinchoqlar do‘konida nimalar bor? Siz ko‘proq qaysi o‘yinchoqni yaxshi ko‘rasiz? O‘yinchoqlar do‘konida kimlarni va qanday o‘yinchoqlarni ko‘rayapsiz? Do‘konda kim nima sotib olayotgani haqida gapirib bering. «Koptoklar nechta? Ayiqcha-chi?» – deb savol beriladi.
O‘qituvchi parta ustidagi didaktik materiallardan turli rangdagi geometrik shakllardan bittadan olib berishlarini aytadi. Shu tarzda 1 soni bilan tanishtiriladi.
V. Daftar bilan ishlash. 1 raqami bilan tanishtirilib, yozuv mashqlarini bajarish qoidalari tushuntiriladi va yozuv qatorlari to‘ldiriladi. Qalam va olma, pufak, likopcha rasmlari bo‘yaladi. Daftar kataklarida yozuv mashqini mustaqil davom ettirish orqali 1 sonining bosma va yozma shakllarini yozish malakalari mustahkamlanadi. Daftarning eng chiroyli yozuv uchun rag‘batlantirish belgisi pastki qismga yoziladi.
VI. Darsni yakunlash. Darslikdan foydalanib, hikoya tuzish.