Darsliklar bilan ishlash metodikasi

«Vatan ostonadan boshlanadi», «Ona - ulug‘ zot» mavzularining biri bo‘yicha ijodiy insho yozing. (2 sahifadan koʻp boʻlmasin)

Vatan ostonadan boshlanadi

Vatan har birimiz uchun aziz boʻlgan maskan, tugʻulib oʻsgan zaminimizdir. Koʻpincha “Vatanni svish kerak, qadriga yetish kerak” deb bilib – bilmay gapirib yuzamiz-u, bu gaplarning maʼnosini ancha kech anglaymiz. Hamma narsaning bahosi uning ziddi bilan belgilanarkan. Vatanning bahosi esa undan yiroqda belgilanarkan. Oʻz uyidan hech boʻlmasa bir oy uzoqda, musofir yurtda yashab koʻrmagan inson uchun Vatan degan soʻzning hech bir qiymati yoʻq. Shaxsan oʻzim ham maktab davrida, litseyda oʻqib yurgan kezlarimda bu mavzuda koʻp marotaba esseylar yozganman, lekin bilib – bilmay, jimjimador jumlalar tuzib, varoq toʻldirishga ishqiboz boʻlganimni hozir tushunib yetdim. Bugun men jimjimador jumlalarni xushlamayman, jumlalarim ham ancha dagʻallashgan boʻlishi mumkin, lekin ozmi – koʻpmi talabalik davrimda uyimdan uzoqda, yaqinlarimning diydoridan olisda bu soʻzning mohiyatini tushunishga imkonim boʻldi. Har gal safarga otlanarkanman, xuddi unib oʻsgan joyidan sugʻurib tashlanayotgan daraxtga oʻxshatardim oʻzimni. Erkin Vohidovning bir sheʼrida ham oʻzimga tanish bu holatning inʼikosini topgandek boʻlaman.

Keksa qayragʼochning ildizin ochib,

Tortdilar qoʻsh arqon solib belidan.

Lekin u tuproqqa panjasin sanchib,

Sira ayrilmasdi ungan yeridan
Oxiri gurs etib yerga quladi,

Butab soʻng koʻtarib ketdilar, biroq.

U oʻz panjasida olib joʻnadi

Tugʻilgan yeridan bir siqim tuproq.

Vatanni sevish, unga talpinish inson fitratiga xos eng ulugʻ fazilatlardan biri boʻlsa ne tong. Oʻn sakkiz ming olamning sarvari paygʻambarimiz Muhammad (s.a.v.) oʻz hadislarida “Hubbul vatani – minal imani” yaʼni “vatanni sevish imondandir” deb aytganlari ham inson ruhining vatanga boʻlgan ehtiyojining naqadar buyuk ekanligining ilohiy isboti boʻlsa ne tong.
III. Test yechish: Test tuzish: oʻrta maxsus, kasb-hunar ta’limida “Ona tili” darsligi asosida 5ta PISA test tuzish (o‘qish savodxonligi bo‘yicha).