Darsliklar asosida davlat va huquq

7-vaziyat.
N.B. IIBga murojaat qilib, noma’lum shaxs uning mobil telefonini qo‘lidan tortib olib qochganini ma’lum qildi. Ko‘rilgan choralar natijasida ushbu jinoyatni N. smli shaxs sodir etganligi aniqlanib, qo‘lga olindi. jinoyat ishtirokchilarini aniqlang. 166-modda. Talonchilik
Talonchilik, ya’ni o‘zganing mulkini ochiqdan-ochiq talon-toroj qilish —
uch yilgacha axloq tuzatish ishlari yoki ikki yildan besh yilgacha ozodlikni cheklash yoki besh yilgacha ozodlikdan mahrum qilish bilan jazolanadi.
Talonchilik:
a) hayot va sog‘liq uchun xavfli bo‘lmagan zo‘rlik ishlatib yoxud shunday zo‘rlik ishlatish bilan qo‘rqitib;
b) ancha miqdorda;
v) bir guruh shaxslar tomonidan oldindan til biriktirib sodir etilgan bo‘lsa,
uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
Talonchilik:
a) takroran yoki xavfli retsidivist tomonidan;
b) uy-joyga, omborxona yoki boshqa xonaga g‘ayriqonuniy ravishda kirib;
v) ko‘p miqdorda sodir etilgan bo‘lsa,
besh yildan o‘n yilgacha ozodlikdan mahrum qilish bilan jazolanadi.
Talonchilik:
a) juda ko‘p miqdorda;
b) o‘ta xavfli retsidivist tomonidan;
v) uyushgan guruh tomonidan yoki uning manfaatlarini ko‘zlab sodir etilgan bo‘lsa,
o‘n yildan o‘n besh yilgacha ozodlikdan mahrum qilish bilan jazolanadi.
8-vaziyat.
A. ko‘pchilik oldida G. ismli o‘rtog‘ini: «Sen kecha mening mobil telefonimdan foydalanib, qaytarib bermading. Sen o‘g‘risan!» – deb aybladi. G. esa o‘zini oqlash uchun: «Men sening telefoningni olganim yo‘q,menga ham kecha shunaqa telefon sovg‘a qilishgandi», – deb javob berdi.Aslida A. o‘zining telefonini sport kiyimining cho‘ntagida qoldirgan, telefoni esa quvvatsizlanib qolganligi uchun ishlamayotgandi. Quyidagi vaziyatlardan qaysi birini tuhmat, qaysi birini haqorat
deb tavsiflash mumkin?Ma’muriy Javobgarlik to‘g‘risidagi Kodeksning quyidagi moddalarini asos qilib olamiz.