Darsliklar asosida davlat va huquq

499-modda. Ayirboshlash shartnomasiga muvofiq tovarni topshirish majburiyatini muqobil bajarish Ayirboshlash shartnomasiga muvofiq ayirboshlanadigan tovarlarni topshirish muddatlari bir-biriga to‘g‘ri kelmagan taqdirda, tovarni topshirish majburiyatini boshqa taraf tovarni topshirganidan so‘ng bajarishi lozim bo‘lgan tarafning tovarni topshirish majburiyatini bajarishiga nisbatan majburiyatni muqobil bajarish to‘g‘risidagi qoidalar qo‘llanadi.
12-Vaziyat.
Ayirboshlash shartnomasiga ko‘ra 9 yoshli I. va 7 yoshli D.tilla sirg‘alarini almashtirishdi. Bu vaziyatda O‘zbekiston Respublikasi Fuqarolik Kodeksining quyidagi moddalarini keltirish mumkin.
497-modda. Ayirboshlash shartnomasi
Ayirboshlash shartnomasiga muvofiq har bir taraf boshqa tarafga bir tovarni boshqa tovarga almashtirish yo‘li bilan mulk qilib topshirish majburiyatini oladi.
Ayirboshlash shartnomasiga nisbatan tegishincha oldi-sotdi to‘g‘risidagi qoidalar qo‘llanadi, basharti bu ushbu bob qoidalariga va ayirboshlash mohiyatiga zid kelmasa. Bunda har qaysi taraf almashtirish yo‘li bilan topshirish majburiyatini olgan tovarni sotuvchi va qabul qilish majburiyatini olgan tovarni sotib oluvchi hisoblanadi.
13-vaziyat.
Ayirboshlash shartnomasiga ko‘ra «Turon» xususiy firmasi «Matiz» rusumidagi avtomobilini qo‘shma korxonaga tegishli «Damas» rusumidagi avtomobilga almashtirdi. Ayirboshlash shartnomasi yozma ravishda rasmiylastirilmadi. . Bu vaziyatda O‘zbekiston Respublikasi Fuqarolik Kodeksining quyidagi moddalarini keltirish mumkin.497-modda. Ayirboshlash shartnomasi Ayirboshlash shartnomasiga muvofiq har bir taraf boshqa tarafga bir tovarni boshqa tovarga almashtirish yo‘li bilan mulk qilib topshirish majburiyatini oladi.Ayirboshlash shartnomasiga nisbatan tegishincha oldi-sotdi to‘g‘risidagi qoidalar qo‘llanadi, basharti bu ushbu bob qoidalariga va ayirboshlash mohiyatiga zid kelmasa. Bunda har qaysi taraf almashtirish yo‘li bilan topshirish majburiyatini olgan tovarni sotuvchi va qabul qilish majburiyatini olgan tovarni sotib oluvchi hisoblanadi.
Qonun hujjatlarida belgilangan tartibda davlat ro‘yxatidan o‘tkazilishi lozim bo‘lgan avtomototransport vositalarini ayirboshlash shartnomasi notarial tasdiqlangan bo‘lishi kerak.
14-vaziyat.
Fuqaro planshet xarid qildi va o‘rovini ochmadi. Bir oydan keyin uni yanada qimmatiga almashtirib berishlarini so‘radi.