Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

 
10.7. Ижтимоий хизматлар соҳаларининг ривожланиши 
Иқтисодиётнинг жадал ривожланиши мамлакатда туб ижтимоий 
ислоҳотларни амалга оширишга ва ижтимоий соҳада катта ютуқларга 
эришишга замин яратди. 
1997 йилдан бошлаб мамлакатимизда таълим тизимида ислоҳотлар 
амалга оширила бошланди. 1997–2010 йилларда кенг миқёсда Кадрлар 
тайёрлаш Миллий дастури амалга оширилди. Ушбу дастур доирасида 12 
йиллик мажбурий таълимга, жумладан, касб-ҳунар таълимига босқичма- 
босқич ўтилди. 
Таълим тизимининг бошланғич бўғини мактабгача таълим ҳисобланиб, 
2016 йилда унга 3 ёшдан 6 ёшгача болаларнинг жалб қилинганлик даражаси 
шу ёшдаги болаларнинг 23,8 фоиз ни ташкил этади. 2017 йил 1 январь 
ҳолатига кўра мактабгача таълим муассасалари сони 3065 тани ташкил этди, 
уларда 690975 болалар тарбияланмоқда. Бу муассасаларда ишлаётган 
педагогиг кадрлар сони 59688 кишини, улардан 21,9 фоиз – олий 
маълумотли, 76,4 фоиз – ўрта махсус маълумотлиларни ташкил этади
1
. 
Мактабгача таълим тизимининг жамиятимиз ҳаётидаги катта ўрни ва 
аҳамиятини эътиборга олиб, Мактабгача таълим вазирлигини ташкил этилди. 
Ушбу соҳанинг моддий-техник базасини мустаҳкамлаш, жумладан, яқин 3-4 
йилда барча ҳудудларда минглаб янги боғчалар қуришимиз, таълим-тарбия 
сифати ва даражасини янги босқичга кўтариш вазифаси белгиланган
2
. 
2016/2017 ўқув йилида 9719 та умумтаълим мактабларида 4825,0 минг 
нафар ўқувчилар таҳсил олдилар, улардан 2252,9 минг нафари қишлоқ 
жойлардаги 6015 умумтаълим мактабларида ўқидилар. Кўплаб ота-оналар, 
ўқитувчи ва ўқувчилар ҳамда кенг жамоатчилик томонидан билдирилган 
таклифлар асосида юртимизда 11 йиллик таълим қайта тикланди.
1
Статистика образования.//stat. uz
2
Мирзиёев Ш.М. Ўзбекистон Республикаси Президентининг Олий Мажлисга 
мурожаатномаси.//Халқ сўзи, 2017 йил 23 декабрь. 

---

196 
Жойлардаги ўқитувчиларга бўлган эҳтиёжни қоплаш учун Тошкент 
вилоятида Чирчиқ давлат педагогика институти ташкил этилди. Бундан 
ташқари, 15 та олий таълим муассасасида ташкил этилган махсус сиртқи 
бўлимларда ўрта махсус маълумотга эга бўлган 5 мингдан ортиқ педагоглар 
учун олий маълумот олиш имконияти яратилди. Таълим тизимидаги 
инновация ва креатив ёндашувлар асосида Муҳаммад Хоразмий ва Мирзо 
Улуғбек номлари билан аталадиган, аниқ фанлар чуқур ўқитиладиган махсус 
мактаблар ташкил этилди
1
.
Республикада академик лицейлар сони 2000 йилдаги 46 тадан 2016 
йилда 144 тага, касб ҳунар коллежлари сони эса мос равишда 241 тадан 1422 
тага етди. 2016 йилда академик лицейлардаги ўқувчилар сони 101339 
кишини ташкил этиб, 2000 йилга нисбатан 10 баробарга ўсди. Касб-ҳунар 
коллежларида ўқувчилар сони 2016 йилда 1358064 нафарни ташкил этди. Бу 
2000 йилга нисбатан 23 баробар кўпдир
2
.
Ўзбекистон Республикасида олий таълим тизимида сифат ва миқдор 
жихатдан туб ислоҳотлар юз бермоқда. Агар 1991 йилда олий таълим 
муассасаларининг сони 52 та бўлган бўлса, 2016 йилда уларнинг сони 70 
тани ташкил этди (10.7.1-жадвал). 
10.7.1-жадвал