Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

1
2017 йил пул-кредит соҳаси таҳлили ва 2018 йилга мўлжалланган монетар сиёсат// 
https://finansist.uz/uz/monetar-siyosat-tahlili-va-prognozlar-2018/ 

---

163 
сўмдаги ликвидлик бўйича танқисликни қоплашда ушбу инструмент ҳам 
асосий манбалардан бири бўлиб хизмат қилди
1
. 
Мамлакатимизда 2017 йилда қайта молиялаш ставкасининг оширилиши 
таъсирида банклараро пул бозорида ўртача фоиз ставкалари январь–июнь 
ойларидаги 7,9-9,2 фоиздан июль ойида 12 фоизга ва август ойида 12,2 
фоизгача кўтарилди. Ўз навбатида, тижорат банклари фоиз ставкаларининг 
ҳам ошиши кузатилди. Хусусан, 2017 йилнинг банклар томонидан 
ажратилган кредитлар бўйича ўртача тортилган фоиз ставкаси (имтиёзли 
кредитлар ҳисобга олинмаганда) биринчи ярим йиллик бўйича ўртача 14,1 
фоиздан октябрь ойида 16,8 фоизгача кўтарилди.
Депозитлар бўйича фоиз ставкаларининг динамикасида ҳам ўсиш 
ҳолатлари кузатилди. Агар 2017 йилнинг январь-июнь ойларида юридик ва 
жисмоний шахсларнинг жами муддатли депозитлар бўйича ўртача тортилган 
фоиз ставкаси 11,9 фоизни ташкил этган бўлса, июль–октябрь ойларида ушбу 
кўрсаткич мос равишда 12,9, 13,5, 15,2 ва 14,2 фоизларни ташкил этди. Бунда 
ўсиш, асосан, юридик шахсларнинг муддатли депозитлари бўйича фоиз 
ставкалари ҳисобига рўй берди
2
. 
2017 йилнинг сентябрь ойидан бошлаб валюта курси шаклланишининг 
бозор механизмлари жорий этилиши ва ички валюта бозори фаолиятининг 
эркинлаштирилиши нафақат пул-кредит соҳасида, балки бутун иқтисодиётда 
ижобий томонга туб ўзгаришларни амалга ошириш учун муҳим замин 
яратди
3
. Бу ҳақда Ўзбекистон Республикаси Президенти Ш.М.Мирзиёев 
Олий Мажлисга мурожаатномасида “Миллий валютамизни эркин 
конвертация қилишга киришдик. Юридик ва жисмоний шахслар хорижий 
валютани тижорат банкларидан чекловсиз сотиб олиш ва эркин сотиш 
имконига эга бўлди. Чет эл валютасининг олди-сотди операциялари ҳажми 
либерализация даврига нисбатан 1,5 баробар ошиб, ўртача 1,3 миллиард 
долларни ташкил этди. Шу билан бирга, давлатимизнинг олтин-валюта 
захиралари йил давомида 1,1 миллиард долларга кўпайди”
4
, – деб 
таъкидлаган.