Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

Макроиқтисодий кўрсаткичлар – мамлакат яхлит иқтисодиёти 
даражасидаги ижтимоий-иқтисодий жараён ва ҳодисаларни ўлчаш ва 
баҳолаш имкониятини берувчи кўрсаткичлар. Масалан, ялпи ички маҳсулот, 
миллий даромад, иқтисодий ўсиш, ишсизлик, инфляция даражаси ва 
бошқалар. 
 Макрoиқтисoдий мувoзанат – иқтисодиёт турли томонларининг ўзаро 
тенглиги бўлиб, энг аввало ялпи талаб ва ялпи таклифнинг тенглиги орқали 
намоён бўлади. 
Мoлиявий сoғлoмлаштириш – корхонанинг банкротлигини бартараф 
этиш ёки рақобатбардошлигини ошириш мақсадида чора-тадбирлар 
тизимини қўллаш орқали унинг молиявий ҳолатини соғломлаштириш. 
Мамлакатнинг экспорт салoҳияти– муайян мамлакатнинг ўзида 
мавжуд бўлган ёки ишлаб чиқарилаётган ресурслари, маҳсулотларини 
экспортга чиқариш имконияти, қобилияти.
Мамлакат тўлов баланси – мамлакат резидентлари (уй хўжаликлари, 
корхоналар ва давлат) ва чет элликлар ўртасида маълум вақт (одатда бир йил) 
оралиғида амалга оширилган барча иқтисодий битимлар бўйича тўловлар 
суммасининг нисбати бўлиб, у ўз ичига савдо баланси, хизматлар баланси, 
ўтказмалар баланси ва капитал операцияларини олади. 
 Oсиё тараққиёт банки – Осиё ва Узоқ Шарқ минтақасига бевосита 
қарзлар бериш ҳамда техник жихатдан кўмаклашиш орқали мазкур
мамлакатлар иқтисодиёти ўсишини рағбатлантириш мақсадида 1966 йилда 
ташкил этилган банк. 
Самарали иқтисодий сиёсат – давлатнинг иқтисодиётни барқарор 
ривожлантиришга қаратилган, ҳар томонлама асосланган, изчил ва ўзаро 
уйғунлаштирилган чора-тадбирлари мажмуи. 
Солиқлар – давлат бюджети ёки маҳаллий бюджетларга жисмоний ёки 
юридик шахслар томонидан товар ва хизматларни ишлаб чиқарганлари учун 

---

404 
ёки ишлаб чиқариш омилларидан фойдалганликлари учун мажбурий 
тўловлар.