Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

Касаначилик– йирик саноат корхоналари билан тузилган шартнома 
асосида уй шароитида маҳсулот ишлаб чиқариш ёки хизмат кўрсатиш. 
 Кичик бизнес субъектлари – корхона кўлами, ишлаб чиқариш ҳажми, 
ишловчилар сони, молиявий маблағлари миқдори ва бошқалар жихатидан 
имкониятлари чекланган ишлаб чиқарувчи субъектлар. Республикамизда 
кичик бизнес субъектлари тоифасига якка тартибдаги тадбиркорлар, 
микрофирмалар ва кичик корхоналар киради.
Якка тартибдаги тадбиркорлик – алоҳида фуқаролар томонидан 
ўзларининг таваккалчиликлари ва мулкий жавобгарликлари остида, шахсий 
даромад (фойда) олиш мақсадида амалдаги қонунчилик доирасида амалга 
ошириладиган ташаббускор хўжалик фаолияти. 
Микрофирма – кичик бизнес субъектларининг бир тури бўлиб, 
мамлакатимизда амалдаги қонунчиликка кўра саноат ишлаб чиқаришнинг 

---

403 
тармоқларида 20 кишигача, хизмат кўрсатиш соҳасида 10 кишигача, савдо ва 
умумий овқатланиш соҳасида 5 кишигача ишловчи корхоналар микрофирма 
ҳисобланади. 
Кичик корхона – кичик бизнес субъектларининг бир тури бўлиб, 
мамлакатимизда амалдаги қонунчиликка кўрасаноат ишлаб чиқаришнинг 
айрим тармоқларида (масалан, енгил ва озиқ-овқат саноати, металлга ишлов 
бериш ва асбобсозлик саноати ва ҳ.к.) 100 кишигача, айримларида (масалан, 
машинасозлик, металлургия, ёқилғи-энергетика саноати ва бошқаларда) 50 
кишигача, хизмат кўрсатиш соҳасида 25 кишигача ишловчи корхоналар 
кичик корхона ҳисобланади. 
Кооперация алоқалари – турли соҳа ишлаб чиқариш тармоқларида 
маълум маҳсулотни тайёрлаш бўйича узоқ муддатли алоқаларни ўрнатиш. 
Крeдитoр қарздoрлик– корхона, ташкилот ёки муассасанинг тегишли 
юридик ёки жисмоний шахсларга тўланиши лозим бўлган пул маблағлари 
бўлиб, улар меъёрдаги (муддати ўтмаган) ҳамда муддати ўтган 
қарздорликларга бўлиниши мумкин.