Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

2017−2021 йилларда Ўзбекистонни ривожлантиришнинг бешта 
устувор йўналиши бўйича ҳаракатлар стратегиясида таркибий 
ўзгартиришларни 
чуқурлаштириш, 
миллий 
иқтисодиётнинг 
етакчи 
тармоқларини модернизация ва диверсификация қилиш ҳисобига унинг 
рақобатбардошлигини ошириш бўйича қуйидаги вазифалар белгиланган:

---

248 
- миллий иқтисодиётнинг таркибида саноат, хизматлар кўрсатиш 
соҳаси, кичик бизнес ва хусусий тадбиркорлик улушини кўпайтириш; 
- ишлаб чиқаришни модернизация қилиш, техник ва технологик 
жихатдан янгилашга қаратилган фаол инвестиция сиёсатини олиб бориш; 
- саноатни юқори технологияли қайта ишлаш тармоқларини сифат 
жихатидан янги босқичга ўтказиш орқали янада модернизация ва 
диверсификация қилиш; 
- иқтисодиёт тармоқлари учун самарали рақобатбардош муҳитни 
шакллантириш ҳамда монополияни босқичма-босқич камайтириш; 
- принципиал жихатдан янги маҳсулот ва технология турларини 
ўзлаштириш, шу асосда миллий товарларнинг рақобатбардошлигини 
таъминлаш; 
- ишлаб чиқариш маҳаллийлаштиришни рағбатлантириш сиёсатини 
давом этиш тармоқлараро саноат кооперациясини кенгайтириш; 
- иқтисодиётда энергия ва ресурслар сарфини камайтириш, ишлаб 
чиқаришга энергия тежайдиган технологияларни кенг жорий этиш, 
иқтисодиёт тармоқларида меҳнат унумдорлигини ошириш; 
- эркин иқтисодий зоналар, технопарклар ва кичик саноат зоналарни 
ташкил этиш, ялпи ички маҳсулотни шакллантиришда хизматларнинг ўрни 
ва улушини ошириш, хизматларнинг замонавий юқори технологик турлари 
ҳисобига тубдан ўзгартириш; 
- туризм индустриясини жадал ривожлантириш, иқтисодиётда унинг 
роли ва улушини ошириш, туристик хизматларни диверсификациялаш ва 
сифатини яхшилаш, туризм инфратузилмасини кенгайтириш; 
- экспорт фаолиятини либераллаштириш ва соддалаштириш, экспорт 
таркибини ва географиясини диверсификация қилиш, иқтисодиёт тармоқлари 
ва ҳудудларнинг экспорт салоҳиятини кенгайтириш ва сафарбар этиш; 
-йўл-транспорт инфратузилмасини янада ривожлантириш, иқтисодиёт, 
ижтимоий 
соҳа, 
бошқарув 
тизимига 
ахборот-коммуникация 
технологияларини жорий этиш. 
Иқтисодиётдаги таркибий ўзгаришларни янада самаралироқ бўлиши учун 
қуйидаги шароитлар яратилиши лозим: 
1. Давлатнинг таркибий ўзгаришлар борасидаги фаол инвестицион 
сиёсатини амалга ошириш; 
2. Хусусий инвестицияларни рағбатлантириш ва улар учун муносиб 
қулай шароитлар яратиш; 
3. Хусусий инвестициялар йўналишини савдо-воситачилик соҳаларидан 
ишлаб чиқаришни ривожлантиришга буриш; 
4. Хорижий инвесторлар учун янада қулай инвестиция муҳитини яратиш; 

---

249 
5. Бозор муносабатларининг асоси бўлган кичик бизнес ва хусусий 
тадбиркорлик фаолияти ривожланиши учун шарт-шароитлар яратиш; 
6. Зарар кўриб ишловчи корхона ва тармоқларни давлат томонидан 
қўллаб-қувватлашни аста-секин тўхтатиш, санация ва банкротлик сиёсатини 
қўллаш.