Дарслик Бакалавриат йўналиши: 5140800-педагогика ва психология талабалари учун дарслик

К.Леонгард томонидан характер аксентуацияси муаммоси ўрганилиб уни шахсда намоён бўлишига қараб қуйидагилар таснифланади:

• 
  Гипертим тип - ҳаддан ташкари алоқага киришувчан, кўп гапиради, имо-ишора, мимикага бой, суҳбат мавзусини буриб юборишга мойил, кўпинча хизматга доир ва оммавий мажбуриятларни унутиб қўйганлиги сабабли зиддиятлар келиб чиқади.
  
• 
  Дистим тип - камгап, мулоқотга киришишга қийналади, пессимист, зиддиятлардан ўзини олиб қочади, уйда ёлғиз қолишни ёқтиради.
  
• 
  Сиклоид тип - кайфияти тез ўзгаришга мойил, кайфияти яхши пайтда - гипертим, ёмон пайтда дистим типга ўхшаб қолади.
  
• 
  Қўзғалувчан тип - мулоқотда пассив, вербал ва новербал реаксиялари суст, қайсар, баъзан урушқоқ, кўпинча турли можароларнинг ташаббускори.
  
• 
  Кучайтирувчи тип - камгап, ақл ўргатишни ёқтиради, юқори натижаларга еришишни ҳоҳлайди, тез хафа бўлади, шубҳаланувчан, қасоскор. Кичик-кичик муаммоларни катталаштиришга, бўртиришга мойил.
  
• 
  Педант тип - зиддиятларга кам қўшилади, кўпинча пассив ҳолатда бўлади, атрофдагиларга кўплаб расмий талаблар қўяди, тартибли, жиддий ишончли ходим.
  
• 
  Хавотирли тип - камгап, одамови, ўзига ишонмайди, зиддиятлардан ўзини олиб қочади, тинчликсевар, ўз-ўзини танқид қилади. Топшириқларни вақтида бажаради.
  
• 
  Емотив тип - тор доирадаги кишилар билан мулоқотга киришишни ёқтирадилар, хафа бўлса ташқаридан сездирмасликка ҳаракат қилади, меҳрибон, ҳамхўр, маъсулиятни ҳис қилади. Бошқаларнинг ютуқларидан қувонади.
  
• 
  Намойишкорона (демонстратив) тип - мулоқотга тез киришади, йетакчиликка интилади,ҳокимият ва мақтовни ёқтиради, бошқаларни ўзига жалб қила олади, ноёб тафаккурга, хулқ- атворга ега.
  
• 
  Екзалтирлашган тип- ўта мулоқотга киришувчан, кўп гапиради, қизиқувчан, дўстлари ва яқинларга еътиборли, бошқаларга ёрдам беради, дид-фаросатли, самимий.
  
•