Dars tahlili qilishni quyidagi turlarga bo‘lish mumkin

Darsda o‘quvchilar bilim faoliyatinining namoyon bo‘lishi va uni boshqarish: -Diqqatni tashkil etish.
-Idrokni tashkil etish va uning xususiyati.
-Xotirani faollashtirish va uning rivojlantirilishi.
-O‘quvchilarning fikrlash faoliyatini kuchaytirish.O‘qituvchi o‘quvchilarda qanday ilmiy tushunchalarni shakllantirdi? Bunda ko‘rgazmali materiallardan foydalandimi? Ularning nazariy ahamiyatini ochib berdimi, amalda qo‘llanilishini ko‘rsatdimi, turmush bilan bog‘ladimi ?
-Sinf muammoli ta’limga qay darajada hozirlik ko‘rgan ( umumiy rivojlanish darajasi, zarur bilim va malakalarning mavjudligi, savol-javob izlashda o‘zini faolligini ko‘rsatgan o‘quvchilar).
-O‘qituvchi o‘quvchilarni oqilona fikrlashning tayyor usullariga o‘rgatganmi, algoritm tipidagi ko‘rsatmalar berganmi va ularni qanday kiritgan?
-O‘qituvchi o‘quvchilarning o‘ziga xos xususiyatlarini hisobga olishni qanday amalga oshirdi?
Darslarning o‘quvchi shaxsini umumiy rivojlanishiga ta’siri: -O‘qituvchi darsning qaysi bosqichlarida (so‘rash vaqtida, yangi materialni o‘tishda, uni mustahkamlashda) o‘quvchilarga qanday maqsadlar bilan murojaat qildi?
-Darsda o‘quvchilarning bilimlarini o‘zlashtirishining qanday darajalarini aniqlash mumkin?
-O‘quvchilar darsda olgan baholariga qanday munosabatda bo‘ldilar
-O‘quvchilarning javoblari o‘qituvchining bundan keyingi hatti-harakatlariga va o‘zlariga ta’sir qildimi, ya’ni o‘qituvchi o‘z faoliyatini qanday qilib qayta qurdi?