Dars Ishlanma Matematika

2-boshlovchi.

Shundan buyon hozirgi kungacha yurtimizda har yili 9-may "Xotira va qadrlash "kuni sifatida keng nishonlanmoqda. Zero, mana shu tinch va osoyishta kunlarimiz uchun jang maydonida jon berib kurashgan hamda shahid ketgan ajdodlarimizni yod etish har birimizni bu yorug‘ kunlar uchun shukronalik hisini tuyishga undaydi.

1-boshlovchi.

Shu sababdan biz ham guruhimiz bilan birgalikda 9-may "Xotira va qadrlash kuni" ga bag‘ishlab "Xotira aziz-qadr muqaddas" deb nomlangan adabiy-badiiy tadbir tayyorladik va ushbu tadbirda siz aziz mehmonlarni ko‘rib turganimizdan g‘oyat mamnunmiz.

2-b. Tadbirimizni ochib berish uchun so‘zni kollejimiz direktori Salayev Jasur domlaga beramiz marhamat.

Aziz mehmonlar, bugungi tadbir davomida biz bir- biridan ajoyib sahna ko‘rinishlari hamda chiqishlarni sizning e‘tiboringizga havola etamiz. Marhamat.

She‘rlar

1-boshlovchi:

Yurtim, ado bo‘lmas armonlaring bor,

Toshlarni yig‘latgan dostonlaring bor.

O‘tmishingni o‘ylab og‘riydi jonim,

Ko‘ksing to‘la shahid o‘g‘lonlaring bor.

Bag‘rim o‘rtar bir o‘y bahor ayyomlar,

Oy botgan yoqlarda, termulib shomlar,

Aybin bilmay ketgan Akmal Ikromlar,

Fayzullodek mardu-maydonlaring bor

2-boshlovchi:

Inson xotirasi azizdir. Xalqimiz qadim-qadimdan o‘tgan avlodlarni munosib xotirlab, qadrlab kelgan. Xotira millat tarixi, uning qadriyatlarini madaniyat va ma’naviyatini, bir so‘z bilan aytganda mujassam etadigan buyuk qadriyat. Xotira o‘zlikni anglashda o‘tmishni doimo yodda tutishga bot-bot da’vat etib turadigan muqaddas tuyg‘u. Inson o‘zining kim ekanini xotira va qadr tuyg‘usi orqali chuqurroq anglaydi. Endi navbatni qizlarimiz tomonidan ijro etiladigan ajoyib raqsga beramiz marhamat.

Raqs "Leytenant"

1-boshlovchi:

Aziz do‘stlar, vatan ozodligi yo‘lida jon fido etgan, elim yurtim deb o‘z jonlarini qurbon etgan vatandoshlarimizni yod etish biz uchun ham farz ham qarz hisoblanadi.