Dars Ishlanma Matematika

2-boshlovchi.

Eslab qancha qancha shahidlar ruhin,

Yod etib turibmiz boshimiz egik

Ular vatanning himoyasi uchun

Ulug‘ jang kunlari jon berdilar tik

Janglarda halok bo‘lgan ajdodlar nomi

Lavhalarda bitdik mangulik uchun

Har doim yod ettik muqaddas ruhin

Ularni sharaflab turamiz bu kun.

1-boshlovchi.

Urush. Urush qancha qancha dillarni vayron qildi, yosh umrlarni hazon qildi. Kimdir o‘g‘lidan, kimdir otasidan, yana kimdir akasidan, kimlardir ukasidan, yana kimdir suyukli kishilaridan ayrildi. Vatan himoyasi uchun 20 milliondan ortiq mard o‘g‘lon halok bo‘ldi. Bu yorug‘ kunlarimizni deb el-yurt ozodligi va erkligini deb, xalqimiz qadr-qimmati, or-nomusi yo‘lida jabru jafo chekib o‘tgan vatandoshlarimizning oxirati obod bo‘lsin. Endigi navbatni sahna ko‘rinishiga beramiz marhamat tomosha qiling.

Sahna ko‘rinishidan oldin she‘r:

41-yil iyun ayni sahar chog‘ida

Tun uyqusi kezardi, o‘lkaning har yog‘ida.

Shunda fashist quzg‘unlar, hujum boshladi birdan,

Olov, bomba yog‘ildi, yurtga ko‘kdan va yerdan.

Yillar umrimizga qilarmu shafqat

Biror ish bormikan aylagali yor

Qayta tiklash mumkin barchasin faqat,

Qayta tiklangaymu o‘sha xotirot.

2-boshlovchi. Tinchlik — muborak so‘z, muqaddas kalom. Keksalarimiz duosida, ezgu niyatlarida ushbu so‘zni takror va takror eshitamiz. Ne baxtki, muqaddas zaminimiz — mustaqil O‘zbekistonimizda osoyishta hayot hukmron. Osuda turmush biz, baxtiyor avlodlarga nasib etgan.

Shu sababdan biz yosh avlod, bu osoyishta vatanimiz va musaffo osmonimiz uchun har kun, har daqiqa shukrona aylash hamda vatanimiz tinchligi, unda yashayotgan har bir inson baxti va quvonchini kuylashdan aslo charchamaymiz.  Shuning bilan “Xotira aziz, qadr muqaddas” mavzusidagi adabiy-badiiy kechamiz o‘z nihoyasiga yetdi. Istardikki, xotira va qadr tuyg‘usi hech birimizdan yiroqlashmasin, hamisha qalbimizda aks-sado berib tursin.
E‘tiboringiz uchun rahmat.

Videorolik. Gulsanam Mamazoitova. Sahnaga hamma chiqadi.