Дала экинларининг асосий зараркунандалари

Кураш чоралари. Туганак узунбурунларига қарши курашда қўйидаги асосий чоралар кўрилади: қўнғизлар тушган бедапоялардаги майсаларга, шунингдек эски бедалар кўкламда ўса бошлаган пайтда уларнинг ҳар гектарига ерда ишлатиладиган аппаратлардан 20—25 кг, самолётдан эса 15—20 кг ҳисобидан 12 % ли гексахлоран дусти чангланади.
Чанглаш ўрнига гексахлораннинг сув қўшиб тайёрланган 1 фоизли суспензиясини пуркаса ҳам бўлади; суспензия гектарига 1000—1500 л ҳисобидан сарфланадн.
Гексахлоран бўлмаганида туганак узунбурунларига қарши кураш учун ўша юқорида кўрсатилган муддатларда беданинг ҳар гектарига 18 кг ҳисобидан натрий кремнефторид чангланади; бироқ натрий кремнефториднинг таъсири юқорида айтиб ўтилган инсектицидларникидан камроқ бўлади.
Туганак узунбурунларига қарши курашда қўйидаги маданий-хўжалик чоралари кўрилади: эрта кўкламда бедапоялар дискланади, бунда, дисклашдан олдин ерга гексахлоран ҳам солинса, натижа анйиқса яхши бўлади; уруғлик бедапоялар иккинчи йилдан бошлаб, фитономусга қарши курашдаги сингари, кузда қайта ҳайдалади ҳамда бедапоя яқинидаги дуккакли бегона ўтлар йўқ қилинади.
Физик тадбирлардан қишда беда анғизига ўт қўйиш тавсия қилинади. Беда майсаларини туганак узунбурунлари ёпирилишидан ҳимоя қилиш учун баъзан майсалар кўкараётган дастлабки кунларда бедапоялар тутунга бостирилади. Бунинг учун экинлардан 12 м қочириб гўнг ёки чириган похол уюмлари ташлаб уларга ўт қўйилади; бу уюмлар тутуни дала бетини қоплаб туриши лозим.
Беда гул чивини
Contarina medicaginis Kieff
Зарари. Марказий Осиёда бу чивиннинг қанчалик зарарлилиги ҳозирча етарли даражада аниқланган эмас. 1947 йил «Боёвут» туманида М. А. Варламов томонидан ўтказилган текширишда бу чивин беда гулларининг 3 % часини нобуд қилганлиги маълум бўлди. Фарғонадан олинган маълумотларга қараганда чивин айрим участкалардаги беда гулларининг деярли ҳаммасини зарарлаган.
Беда чивини бошқа бедачилик минтақаларида, жумладан, Украина ва Ўрта Волга бўйида ҳам уруғлик бедаларга анчагина зарар етказади.