Dag‘al ozuqalarni gigiyenik baholash. Darsning maqsadi

Dag‘al ozuqalarni gigiyenik baholash.

Darsning maqsadi: dag‘al ozuqalarni sanitariya gigiyena tomonidan baholash usuli bilan tanishish.

Kerakli ko‘rgazmali qurollar: Jadvallar, diametri 3mm elak, lupa, shisha buyum oynachasi, mikroskop.

Darsning mazmuni - ozuqaning sifatliligi va to‘yimliligini tekshirish veterinar vrach va zootexnikning vazifasi hisoblanadi. Sifatli ozuqa esa oshqazon – ichak kasalliklarini oldini olishni ta’minlaydi va ulardan olinadigan mahsulotni ko‘paytiradi. Ko‘p tajribalarda va Chorvachilik amaliyotida fyermalarda o‘chraydigan yuqumsiz kasalliklarning asosiy qismi (50 – 70 %) to‘yimliligi past va sifatsiz ozuqalarni ishlatishdan kelib chiqishi tasdiqlangan. Ozuqalar sifatsizligi tufayli kelib chiqadigan asosiy kasalliklarga quyidagilar sabab bo‘ladi: ozuqalarning mexanik aralashmalar bilan ifloslanishi, zaharli moddalar, pestitsidlar, zamburug‘lar va mikroorganizmlarning toksinlari, alkaloidlar, nitridlar va boshqalarning bo‘lishi. Hozirgi kunda Chorvachilikning intensiv rivojlantirishda, har xil kasalliklarning oldini olishda xo‘jalikdagi ozuqalarni gigiyena tomonidan nazorat qilib borish asosiy rol o‘ynaydi.

Dag‘al ozuqalarning sifati ular saqlanayotgan joyda organoleptik yo‘l bilan aniqlanadi, bunda ularning botanik tarkibi, rang, hidi, mexanik aralashmalar bilan ifloslanganlik, mog‘orlash, chirish kabi sifatlariga ahamiyat byeriladi. Dag‘al ozuqalar organoleptik ya’ni ko‘z bilan ko‘rib, qo‘l bilan ushlab tekshirish va labarotoriya usullarida baholandi.