Д. Т. Абдукаримов

1. Кўп йиллик дуккакли ўтлар
– беда, кизил себарга, кашкар бедаси, 
барггак. (эспарцет) 
2. Кўп йиллик қўнғирбош ўтлар
– ялтирбош, бетага, оқ сухта, эркак ўт, 
сув буғдойик, мастак. 
3. Бир йиллик дуккакли ўтлар
– шабдар, берсим, вика, сераделла, 
ҳашаки оқбурчак. 
4.Бир йиллик қўнғирбош ўтлар
– судан ўти, бир йиллик райграс, венгрия 
куноғи. 
Юқорида кўрсатилган гуруҳлардаги ўтлардан энг аҳамиятлиси ва кўп 
тарқалиб экиладигани беда ҳисобланади (8-расм). 
Беда муҳим, қимматли ем ҳашак экини бўлиб, унинг таркибида (қуруқ 
моддасида) шоналаш даврида ўртача 20,3 % оқсил, 3 % ѐг, 26,3 % тукима 
(клетчатка), 40,7 % азотсиз моддалар ва 0,8 % кул, ҳар – хил витаминлар, 
минерал моддалар (айниқса кальций) мавжуд. Беда ўсимлигининг энг тўйимли 
қисми–барг ҳисобланади. Кўкати сернам, таркибида 75 % суви бўлади.
Беда Ўзбекистоннинг суғориладиган минтақаларида кадимдан (7–8 минг 
йил олдин маданийлаштирилган) экиб келинади ва асосий озиқабоп экин 
сифатида катта майдонларда экилмоқда. Унинг ер юзида экиладиган майдони 
30 млн гектар атрофида, Ўзбекистонда кўк беда 300 минг гектардан ортиқ 
майдонга экилади (9 – жадвал).
Беда таркибида провитамин “А” (каротин) дан ташқари В, С, Д, К, РР, Е 
витаминлари бўлиб, чорва молларини турли касалликларга чалинишидан 
сақлайди, организмда углевод алмашинишини яхшилайди, соглом насл олиш 
имконини беради.
Беда экини агротехник аҳамиятга ҳам эга. Ўт далали алмашлаб экишда 
гуза ва бошқа асосий экинлар учун яхши ўтмишдош ўсимлигидир. У тупроқ 
унумдорлигини оширади. Беда экилган майдонда азот моддаси кўпаяди, 
чиринди ошади, тупроқдаги микрорганизмларнинг ҳаѐт фаолияти яхшиланади. 
Беда 
вилт касаллигини ва тупроқ шурини камайтиради,
ерни минерал 
моддаларга, айниқса азотга бойитади. Ундан кейин экилган экиннинг 
ҳосилдорлиги оширилади. Беда лалмикорликда ҳам энг яхши озиқабоп 

---

107 
экинлардан ҳисобланади. Унинг ҳосилдорлиги, тўйимлилиги, яхши сақланиши, 
ерни толдирмаслиги билан ажралиб туради. Беда намсевар, қурғоқчиликка 
ҳамда Совуққа чидамлилик хусусиятларини ўзида мужассамлаштирган 
ўсимлигидир.