Д. Т. Абдукаримов

Селекция усуллари. 
Зиғир ўзидан чангланувчи ўсимлик бўлганлиги учун 
бу экин селекциясининг асосий усули бўлиб бир мартали якка танлаш 
ҳисобланади. Яратилган зиғирнинг деярли ҳамма навлари шу усул билан 
амалга оширилган.
Дурагайлаш йўли билан яратилган навлардан Круносемянный 3 ва 
Кубанский 9 навлар Козогистондан олиб келинган ўрта уруғли межеумоқ билан 
Мароқкодан олиб келинган йирик уруғли зиғирни чатиштириш натижасида 
ҳосил қилинган. Ҳосил қилинган дурагайлар эртапишар, юқори мойли, юқори 
ҳосилли ва касалликларга, айниқса занг касали ва доғлиликка чидамлидир.
Селекция ютуқлари. 
Мойли экинлар ИТИ да юқори мойли ВНИИМК 
5237, Уджан навлари, ВИР нинг Кубан тажриба станциясида – Донской 166, 
ВИР – 1647, ВИР – 1650, Крупносемянный, Кубанский 9, Красноқут давлат 

---

103 
селекцион станциясида – Красноқутский 420 нави, Барнаул селекцион 
станциясида Сибир нави. Бу нав жуда катта майдонларда экилиб келган. 
Шатилов селекцион станциясида Шатиловский 39 ва Шатиловский 48 нави, 
Ўзбекистонда Ғаллаоролдаги (собиқ Милютин тажриба станцияси) Я.Г. Момот 
томонидан зиғирнинг Буҳарский 32 нави яратилган. Бу нав кўп йиллар 
давомида Ўзбекистон, Тожикистон ва бошқа мамлакатларда кенг тарқалиб 
экилиб келган. Тожикистонда – Гиссарский 1474, Азарбайжонда эса Артикский 
7 ва Гукасянский 17 навлари, Ставрапол улкасида – Ставрпольский 79 нави 
яратилгандир. 
Ўзбекистонда ҳозирги вақтда зиғирнинг Бахмалский 2 нави давлат 
реестрига киритилган ва экилмоқда. Унинг қисқача тавсифи қуйидагича: 
Бахмалский – 2.
Ўзбекистон дончилик илмий текшириш институти 
(“Дон” ишлаб чиқариш бирлашмаси) да Бахмал 1056 навидан танлаш йўли 
билан яратилган. Муаллифлар: Ковалев А.И., Бекбутаев М.Б., Федосеева А.М. 
1986 йилдан Қашқадарѐ, Сурхондарѐ вилоятларининг лалмикор ерларида 
Давлат реестрига киритилган. Нихоллари яшил. Пояси тик ўсади, кичик. Барги 
наштарсимон. Гули ҳаворанг. Уруғи жигарранг. 1000 уруғининг вазни 5,9 г. 
ўртача ҳосилдорлик 5,8 – 8,4 центнерга тенг. Эртапишар, 75 – 85 кунда пишади. 
Қурғоқчиликка, тўкилишга ва ѐтиб қолишга чидамли. Донидаги ѐг миқдори 
40,9 %. Нав қишлоқ хўжалик касалликлари ва ҳашаротларга чидамли.