Д. Раҳматуллаева, У. Ходжаева, Ф. Атаханова

анаксаридес
бўлиб, у тор ва узун иштон 
бўлган. Эркаклар устма – уст уч хил иштон кийган, бундай кийиниш 
анъанага айланган.
Тиара – 
форсларда кенг тарқалган бош кийим ҳисобланади. Бундан 
ташқари шакли бошқача бўлган, шоҳона бош кийим – 
кидарис 
кийилган. 
Эркаклар чарм ва кигиздан тикилган бош кийим ҳам кийган. Авом халқ
зиғирдан олинган матони салла кўринишида ўраб юрган. Тор гардишли, 
конус шаклидаги ушбу салла, кўчманчи халқларнинг бош кийими – қалпоқ
ўрнида хизмат қилган. 
Эркаклар пойабзали уч кўринишда бўлган. Улардан энг кўп 
тарқалгани туфлидир. Ушбу пойабзалнинг афзаллиги шундаки, у инсон 
бўйини баланд қилиб кўрсатган. Чунки пойабзал остига қўшимча таглик 
қўйилган. Иккинчиси, кенг тарқалган пойабзал – калта этик эди . Этикка 
таглик қўйилмаган, ясси бўлган. Яна бир пойабзал тури 
сандал,
деб 
номланган. Бу пойабзал қалин чармдан тикилган. 
Аёллар либоси.
Эрон маликаси ва сарой хонимлари либоси.
 
Саройда 
жорий қилинган удумга кўра, энг қимматбаҳо кийимни шоҳнинг суюкли 
аёли кийган. У она малика билан тенг қўйилиб, кийимлари жимжимадор 
зарҳал кашта ва қимматбаҳо тошлар билан безатилган. Шоҳ хотинлари 
кийим–кечаги, пойабзал ва бош кийимлари ҳам жуда қимматбаҳо бўлган.

---

174 
Эрон маликасининг бош кийими – 
тиара
ҳисобланади. Ушбу бош 
кийими қимматбаҳо, думалоқ шаклдаги қалпоқча ва зар иплар билан 
тикилган каштали ёпинчиқдан иборат. Сарой аёллари юзларини очиб ёки 
ёпиқ юришгани ҳақида аниқ маълумотлар сақланмаган. Сарой хонимлари 
пойабзалларига кашта тикилган бўлиб, безакларга жуда бой бўлган. 
Аёллар кийими эркаклар кийимидан бир оз фарқ қилган. Қадимда 
кийимлар асосан ҳайвон териларидан, кейинчалик дағал жундан тикилган. 
Аёллар миллий либоси ҳам, мансуб табақага қараб фарқланган. Кўйлаклар 
жун ва майин матолардан тикилган. Қадимий эронлик аёллар устки кийими 
кенг матодан тикилган бўлиб, белбоғи кўкрак қисмига яқин қилиб боғланган. 
Бу эса аёлларни сарвиқомат қилиб кўрсатган, белбоғ аёлнинг турмушга 
чиққанлигини билдириб турган. Турмушга чиққан аёллар бош кийим кийган. 
Аёллар бошларига қалпоқча кийган ёки салла ўраган, кўчага чиққанда 
ёпинчиқ ташлаб олган .
Аёллар пойабзали чармдан тикилган бўлиб, тасма билан боғланган.
Кейинчалик аёллар юмшоқ чармли