Д. Раҳматуллаева, У. Ходжаева, Ф. Атаханова

Назорат учун савол ва амалий топшириқлар 
1.
 
50-йилларда санъат ва маданиятнинг ўзига хос жиҳатлари қандай? 
2.
 
Мато ишлаб чиқаришдаги инновациялар ҳақида гапириб беринг. 
3.
 
50-йиллардаги мусиқа ва унинг таъсири либосда қандай намоён бўлган? 
4.
 
Кундалик кийидаги ўзгаришлар қандай бўлган? 
5.
 
Эркаклар модаси шу даврда қандай бўлган? 
6.
 
К.Диорнинг ижодий фаолияти қандай бўлган? 
7.
 
Шанелнинг мода оламига қатиб келиши қандай бўлган?
8.
 
“Прет-а-порте” пайдо бўлиши ҳақида нималарни биласиз?
 
 
 

---

147 
ХХ аср 70-йиллари модаси 
Постмодернизм даври.
Постмодернизм ХХ аср 70 йилида пайдо бўлган 
санъатдаги йўналиш (поп-артдан бошлаб) бўлиб, унда илгари яратилган 
шаклдан янгисини қуриш учун фойдаланилади. Бошқалардан кўчирма қилиб 
олиш бадиий усулга айланади, “предметлар” ўртасидаги ўзаро янги 
боғлиқликларни қидириб топиш асосийси ҳисобланади, уларда услублар 
(ўтмиш ва ҳозир), улубларнинг узвлари, матнлар хизмат қилиши мумкин ва 
ҳ.к. Постмодернизм бу услубдан кўра кўпроқ яратилаётган нарсага ёндошув, 
муносабатдир; кўпинча, у ўйин, киноя ва ўзидан кулиш унсурларини ўз 
ичига олади. 
70-йиллар ўртасига келиб либос модасида икки асосий йўналиш 
ажралиб чиқди, бири мумтоз қулай кийим бўлса, иккинчиси бадиий, 
фавқулодда кийим. Париж ва Лондон билан бир қаторда Нью-Йорк ва 
Милан ҳам мода марказлари деб эътироф этилди. Энди у ёки бу ғоя қаердан 
келиб чиққанини юз фоизлик ишонч билан айтиш қийин бўлди. Барча 
замонлар ва қитъалар илҳом манбалари бўлиб хизмат қилган. Янги мода
янги номлар яратган. Айрим усталар бир-икки йил машҳур бўлганлар, 
иккинчилари моданинг чинакам салтанатини қурганлар, учинчилари мода 
тарихига абадий кирганлар.