D kamolitdinova

10-s a b a q. paiNt programmasi’ haqqi’Nda
insanlar a’yyemnen su’wret sali’w wo’neri menen shug’i’llani’p, wo’z 
su’wretlerinde insan ko’rinislerin, tu’rli ja’nliklerdi, waqi’ya yamasa 
ha’diyselerdi sa’wlelendiriwge ha’reket yetken. A’yyemgi su’wret wo’neri 
u’lgilerin arxeologlar ta’repinen tabi’lg’an taslardag’i’, a’yyemgi diywal 
ha’m sopal i’di’slardag’i’ ko’rinislerden de ko’riw mu’mkin.
to’mendegi su’wretlerde a’yyemgi ko’rkem-wo’ner do’retpelerinen 
u’lgiler keltirilgen:

---

39
Kamoliddin behzod, Leonardo da Vinchi, Klod Mone, Pikasso 
si’yaqli’ ulli’ mayqa’lem ustalari’ni’n’ do’retpeleri bolsa ko’rkem-wo’ner 
du’nyasi’ni’n’ biybaha miyraslari’ qatari’nan wori’n iyelegen.
Xudojnikler wo’z do’retpelerin polotno dep atalg’an gezlemede yamasa 
qag’azda mayqa’lem ja’rdeminde jaratqan. Wolar wo’z do’retpelerin 
jarati’p ati’rg’anda qanday da bir qa’tege jol qoysa, barli’q jumi’si’n 
qaytadan baslawg’a ma’jbu’r bolg’an.
biraq kompyuter ja’rdeminde su’wret ha’m ko’rinislerdi si’zi’w 
bari’si’nda qa’telikke jol qoysan’i’z, qag’az ha’m polotnolardi’ taslap 
jiberiwge za’ru’rlik bolmaydi’. Kompyuter programmasi’ sizge qayta 
ha’m qayta jan’a su’wretlerdi si’zi’w imkaniyati’n beredi.
Kompyuter texnikasi’ni’n’ payda boli’wi’, bul bag’darda jan’a 
imkaniyatlardi’ jarati’p berdi ha’m «kompyuter grafikasi’» tu’sinigi 
ju’zege keldi.
Kompyuter grafikasi’ – kompyuter texnologiyalari’ni’n’ bir bo’limi 
boli’p, woni’n’ imkaniyatlari’nan paydalani’p ko’rinislerdi kompyuter 
ha’m arnawli’ programmalar ja’rdeminde jarati’w boli’p tabi’ladi’.
grafikali’q redaktorlar kompyuterde grafikali’q ko’rinislerdi 
jarati’w ha’m qayta islew ushi’n mo’lsherlengen a’meliy 
programmalar boli’p yesaplanadi’.
Wolarg’a 
paint, paint Net, tux paint
tu’rindegi parogrammalar kiredi. 
Wo’zinin’ a’piwayi’li’g’i’ ha’m qolayli’li’g’i’ sebepli bul programmalar 
kishi jastag’i’ paydalani’wshi’lar arasi’nda da ken’ tarqalmaqta.

---

40