D. A. Mamatqulov bolalar anatomiyasi va fiziologiyasi asoslari

Suv va mineral tuzlar almashinuvi. Odam organizmi uchun mineral tuz va 
suv ham zarur. Mineral tuzlarni odam asosan oziq-ovqat bilan  qabul qilinadi. Bir 
sutkada  odam  10-12,5  g.  osh  tuzi  iste‘mol  qiladi.  Mineral  tuzlar  organizmdagi 
barcha  funksiyalarning  bir  xilda  kechishini  ta‘minlaydi,  nerv  sistemasining 
faoliyati,  qon  ivishi,  so‗rilish,  gazlar  almashinuvi,  sekresiya  ajratish  jarayonlari 
uchun  ham  zarur.  Organizm  uchun kalsiy,  fosfor, kaliy,  natriy,  marganes,  kobalt, 
mis, rux, brom, yod, oltingugurt, temir va boshqa mikro va makroelementlar ham 
juda zarur. Agar biror  mineral moddalar yetishmasa turli xil kasalliklarga yuzaga 
chiqadi. Masalan organizmda kalsiy yetishmasa nerv va muskul  quzg‗aluvchanligi  
kuchayadi,    bu  spazmofiliya    kasalligiga    olib    keladi,    yod  yetishmasa   
qalqonsimon      bezning      faoliyati      buzilib,      buqoq,      kasalligi      paydo  bo‗ladi, 
natriy xlorid ko‗payib ketsa, harorat  ko‗tariladi. 
Suv odam organizmidagi barcha hujayra va to‗qimalarining tarkibiy qismiga 
kiradi.  Jumladan  qonning  92%,  miya  to‗qimasining  84%,  tana  muskullarining 
70%,  suyaklarning  22%,  suvdan  iborat.  Katta  yoshdagi  odamlarning  tanasini  50- 
60% suv tashkil qiladi, yoshlarda suv miqdori ko‗proq bo‗ladi. Masalan chaqaloq 
tana  massasining  80%  ni  suv  tashkil  etadi.  Organizmdagi  barcha  kimyoviy 
protsesslar  suv  ishtirokida  bo‗ladi.  Agar  odam  ovqatlanmasdan,  faqat  me‘yorida 
suv iste‘mol qilsa u 40-45 kungacha, ya‘ni uning tana massasi 40% kamayguncha 
yashashi  mumkin.  Aksincha  ovqat  me‘yorida bo‗lib, suv iste‘mol  qilinmasa,  tana 
massasi 20-22% kamaysa, bir xaftaga yetar-yetmay odam halok bo‗lishi mumkin. 
Normal  sharoitda  o‗rta  yoshli  odamning  sutkalik  suvga  bo‗lgan  extiyoji    2.5-3 
litrni tashkil etadi.