D. A. Mamatqulov bolalar anatomiyasi va fiziologiyasi asoslari

 
NAFAS OLISH ORGANLARI 
        Nafas  olish  organlarining  ahamiyati.  Organizmning  hayot  faoliyatida 
doimo  energiya  sarf bo‗lib turadi, bu  energiya  har xil organlarning  ishlashiga   va 
tananing isishiga sariflanadi. Energiya oqsil, yog‗ va uglevodlarning parchalanishi 
vaqtida hosil bo‗ladi. Bu moddalar oksidlanish vaqtida parchalanadi, oksidlanishda 
esa  organik  moddalarning  murakkab  molekulalari  kislorodni  biriktirib  oladi  va 
parchalanadi. 
 
 

---

95 
 
        Organizm  uchun  zarur  bo‗lgan  kislorod  tashki  muhitdan  nafas  olish 
organlariga  kiradi,  qon  bu  kislorodni  nafas  olish  organlaridan  hujayralarga 
yetkazib  beradi.  Xujayralardagi  moddalar  parchalanganda  karbonat  angidrid  hosil 
bo‗ladi, qon
 
bu karbonat angidridni olib ketadi va u, asosan, o‗pka orqali atmosfera 
havosiga  chiqarib  yuboriladi.  Shunday  qilib,  nafas  olish  organlarining  ahamiyati 
shundan iboratki,  ular  organizm  bilan tashqi  muhit  o‗rtasida  gazlar almashinuvini 
amalga oshiradi. 
       Organizmda  kislorodsiz  birorta  ham  hayotiy  jarayonlar  sodir  bo‗la  olmaydi, 
tanamizdagi barcha organlarning ishi nafas olish organlarining faoliyatiga bog‗lik. 
Nafas  olish  a‘zolarining  faoliyati  ham  o‗z  navbatida,  qon  aylanish,  ovqat  hazm 
kilish, chiqarish organlarining funksiyalariga bog‗liq. 
        Nafas olish jarayonida organizm bilan tashqi muhit o‗rtasida aloqa va o‗zaro 
ta‘sir  bo‗lib  turadi.  Bu  o‗zaro  ta‘sir  natijasida  organizmda  har  xil  kimyoviy 
o‗zgarishlar sodir bo‗ladi va atrofdagi muhit havosining tarkibi o‗zgaradi.  
 
Nafas a‘zolariga burun bo‗shlig‗i, hiqildoq, traxeya, bronxlar va o‗pka kiradi. 
Havo hiqildoqqa burun yoki