D. A. Mamatqulov bolalar anatomiyasi va fiziologiyasi asoslari

Sonning orqa tomonidagi muskullar.  Sonning ikki boshli  muskuli  chekka 
tomonda  joylashgan.  Uzun  boshi  o‗tirg‗ich  do‗ngchasidan,  kalta  boshi  son 
suyagining g‗adir- budurligidan boshlanib, ikkala boshi birlashib turadi va pastda 
kichik  boldir  suyagining  boshidagi  cho‗qqiga  birikadi.  Bu  muskul  qisqarganda, 
chanoq-son bo‗g‗imini yozishda, tizza bo‗g‗imini bukishda ishtirok etadi. 
Yarim  parda  muskul  keng  payi  bilan  o‗tirg‗ich  do‗ngchasidan,  son 
suyagining  orqa  tomonidan  boshlanib,  katta  boldir  suyagining  orqa  tomoniga  va 
tizza  bo‗g‗imi  xaltachasiga  birikadi.  Bu  muskul  qisqarganda  chanoq-son 
bo‗g‗imini yozishda, tizza bo‗g‗imini bukishda ishtirok etadi. Sonning ikki boshli 
muskuli tizza bukilgan holatda oyoqni tashqi tomonga, yarim  pay va yarim parda 
muskullar ichki tomonga buradi.