Д а л о л а т н о м а 2021 йил 13 ноябрь Булоқбоши т

Нақд пул ва товар-моддий бойликларнинг бутлиги юзасидан танлов асосида ўтказилган йўқлама натижалари тахлили.
Ўзбекистон Республикаси Адлия вазирлигидан 2015 йил 22 июнда 2687-сон билан рўйхатга олинган “Юридик шахслар томонидан касса операцияларини амалга ошириш” Қоидаларига асосан, назорат тадбири бошланган кунга, яъни 2020 йил 9 январь ҳолатига жамоатчи ғазначи Д.Буваматова зиммасидаги нақд пул маблағларини йўқламадан ўтказиш даврида, ғазнада ва шу кун ҳолатига тузилган ғазна ҳисоботи бўйича нақд пул маблағларидан қолдиқ мавжуд эмаслиги аниқланди.
Далолатномадаги мавжуд нақд пул маблағларининг қолдиқлари билан бухгалтерия ҳужжатларидаги нақд пул маблағларининг қолдиқлари ўзаро таққослаш йўли билан назорат тадбири ўтказилганда, жамоатчи ғазначи Д.Буваматова зиммасидаги нақд пул маблағларидан ортиқлик ёки камомад мавжудлиги аниқланмади.
Назорат тадбири даврида, бирлашмадаги товар-моддий заҳираларни инвентарлашда, Ўзбекистон Республикаси Молия вазирлиги томонидан 1999 йил 19 октябрда ЭГ/17-19-2075-сон билан тасдиқланган (1999 йил 2 ноябрда 833-сон билан рўйхатдан ўтказилган) Ўзбекистон Республикаси Бухгалтерия ҳисоби миллий стандарти (19-сон БҲМС) “Инвентарлашни ташкил этиш ва ўтказиш” тартибига асосан Спорт мактаби моддий жавобгар шахси, хўжалик мудири Д.Буваматова зиммасидаги асосий воситалар ва товар-моддий бойликларни бутлиги юзасидан спорт мактаби директорининг 2021 йил 2 ноябрдаги 45-сонли буйруғига асосан ишчи гурух раиси Б.Хатамов аъзолари, М.Юсупов, Э.Ғозиматов, А.Аблязов, М.Мирзахонов, Қ.Қорабоева ва Г.Ғозиевалар томонидан томонидан мавжуд асосий воситалар ва товар-моддий бойликлар йўқламадан ўтказилиб, алохида далолатнома билан расмийлаштирилди.
Далолатномадаги мавжуд асосий воситалар ва товар-моддий бойликлар қолдиқлари билан бухгалтерия ҳужжатларидаги асосий воситалар ва товар моддий бойликлар қолдиқлари ўзаро таққослаш йўли билан текширилганда, моддий жавобгар шахс хўжалик мудири Д.Буваматова зиммасидаги асосий воситалар ва товар-моддий бойликлардан ортиқлик ёки камомад мавжудлиги аниқланмади.
Спорт мактаби ҳамшира Г.Ғозиева зиммасидаги дори-дармон ва боғловчи материалларни сақланиши юзасидан дори-дармон ва боғловчи материллар қолдиқлари йўқламадан ўтказилганда, спорт мактаби ҳамшираси Г.Ғозиева зиммасида 3 хил турдаги дори-дармон ва боғловчи материаллардан қолдиқ мавжудлиги аниқланиб, алохида далолатнома билан расмийлаштирилди.
Спорт мактаби врачи Г.Ғозиева зиммасида қолдиқ бўлиб қолган дори-дармон ва боғловчи материалларни ҳисобхона хужжатлари билан ўзаро таққослаш йўли билан тахлил қилиниб, текширилганда, спорт мактаби ҳамшираси Г.Ғозиева зиммасида сақланаётган дори-дармон ва боғловчи материаллардан ортиқлик ёки камомад мавжудлиги аниқланмади.
(Далолатномага, моддий жавобгар шаҳсларнинг тилхатлари ва тушунтири хатлари, оралиқ далолатномалар, солиштирма далолатномалар илова қилинади)
■