Cурункали панкреатит сп

ТАСНИФИ
(А.Л. Гребнев, 1982 й.)

1. 
   Этиологиясига кўра;
   

1. 
   Бирламчи 2. Иккиламчи
   

2. 
   Морфологик белгиларига кўра:
   

1. 
   Шишли 2. Склеротик-атрофик шакли 3. Фиброзли шакли
   

3. 
   Клиник белгиларига кўра;
   

• 
  Полисимптомли
  
• 
  Оғриқли
  
• 
  Псевдотумороз
  
• 
  Диспептик
  
• 
  Латент
  

4. 
   Оғирлик даражасига кўра;
   

1. 
   Енгил даражали
   
2. 
   Ўрта оғир даражали
   
3. 
   Оғир даражали
   

КЛИНИКАСИ
1. Оғриқ синдроми эрта бошланиб, яллиғланиш жараёни ошқозон ости безида бўлса – оғриқнинг жойлашиши – эпигастрийдан ўнгда – ўнг қовурға ёйи тагида, танаси яллиғланган бўлса – эпигастрийда, дум соҳаси яллиғланган бўлса – чап қовурға ёйида сезилади. Агар тотал яллиғланиш бўлса, оғриқ камарсимон бўлиб, кўпроқ, тўйиб овқатлангандан сўнг, алкогол, шоколад қабул қилгандан сўнг, оч қолганда оғриқ камаяди, шунинг учун беморлар 12 бармоқ ичак яра касаллиги беморларидан фарқли ўлароқ кам овқат қабул қилишади, шунинг учун вазнини йўқотишади.
Оғриқ босувчи, куювчи ҳам бўлиб, кўпроқ ётоқ ҳолатда ифодаланган бўлади.
Пайпаслаганда қуйидаги оғриқ нуқталари аниқланади:
Шоффар соҳаси – киндик соҳасини вертикал ва горизонтал қисмга ажратувчи биссектриса бурчаги билан киндикдан ўтувчи вертикал линия оралиғида, бу соҳадаги оғриқ ошқозон ости бези бошчасининг яллиғланишидан далолат беради.
Губергриц – Окульский соҳаси –юқоридагига ўхшаш, фақат чап томонда бўлиб, ошқозон ости безининг танаси яллиғланишидан далолат беради.
Дежарден соҳаси – киндик билан ўнг қўлтиқ ости соҳасини бирлаштирувчи соҳадан 6 см юқорида – ошқозон ости бези бошчаси яллиғланишга хос;
Губергриц соҳаси – юқоридагига ўхшаш, фақат чап тарафда, ошқозон ости бези думчаси яллиғланишга хос;
Мейо-Робсон соҳаси – киндик ва чап қовурға ёйи ўртасини бирлаштирувчи соҳадан ташқарида ўрта қисмида.
Грот белгиси мусбат – ошқозон-ости безининг қорин пардаси деворининг олдинги соҳасидаги қисми ёғ тўқимасининг атрофияси.