Cover page obzor iqtisodiy-last 7B. cdr

7-боб. Тадбиркорлик субъекТларига нисбаТан ҳуқуқий Таъсир
чораларини қўллаш билан боғлиқ ишлар бўйича суд амалиёТи
261
Хусусий корхона томонидан молиявий жарима ихтиёрий 
тўлаб берилмаганлиги сабабли ДСИ 2016 йил 14 августдаги 
ариза билан судга мурожаат қилиб, унга нисбатан Солиқ кодекси 
114-моддасининг биринчи қисмига асосан 5 350 000 сўм, 
119-моддасининг биринчи қисмига асосан 3 907 200 сўм молиявий 
жарима қўллашни сўраган .
Биринчи инстанция судининг 2016 йил 16 сентябрдаги ҳал қилув 
қарори билан ДСИнинг аризаси қисман қаноатлантирилиб, Хусусий 
корхонага нисбатан Солиқ кодекси 119-моддасининг биринчи 
қисмига асосан 3 907 200 сўм молиявий жарима қўлланилган . 
Аризадаги Солиқ кодекси 114-моддасининг биринчи қисмига асосан 
5 350 000 сўм молиявий жарима қўллаш талабини қаноатлантириш 
рад этилган . 
Биринчи инстанция суди 114-моддасининг биринчи қисмига 
асосан 5 350 000 сўм молиявий жарима қўллаш талабини 
қаноатлантиришни рад этишда кирим қилинмаган товарлар 
қўзғатилган маъмурий ҳуқуқбузарлик тўғрисидаги иш доирасида 
давлат даромадига ўтказилганлигига асосланган ва Солиқ кодекси 
114-моддасининг иккинчи қисмига таянган .
Солиқ кодекси 114-моддасининг иккинчи қисмига кўра кирим 
қилинмаган товарлар қўзғатилган маъмурий ҳуқуқбузарлик 
тўғрисидаги иш ёки жиноят иши доирасида давлат даромадига 
ўтказилган тақдирда, ушбу модданинг биринчи қисмида назарда 
тутилган санкция қўлланилмайди .
Апелляция инстанцияси судининг 2016 йил 23 октябрдаги 
қарори билан биринчи инстанция судининг ҳал қилув қарори бекор 
қилиниб, Солиқ кодекси 108-моддасининг саккизинчи қисмига 
асосан унча оғир бўлмаган молиявий санкцияни оғирроқ жарима 
билан қамраб олиш орқали солиққа оид ҳуқуқбузарликлар мажмуи 
бўйича Хусусий корхонага нисбатан 5 350 000 сўм миқдорида 
молиявий жарима қўлланилган .
Апелляция инстанцияси суди бундай хулосага келишда 
Пленумнинг 2010 йил 18 июндаги 210-сонли қарори 38-бандининг 
иккинчи, учинчи ва тўртинчи қисмларида берилган тушунтириш-
ларга асосланган .

---