Cover page obzor iqtisodiy-last 7B. cdr

7-боб. Тадбиркорлик субъекТларига нисбаТан ҳуқуқий Таъсир
чораларини қўллаш билан боғлиқ ишлар бўйича суд амалиёТи
257
Бироқ МЧЖ томонидан молиявий жарима ихтиёрий тўлаб 
берилмаганлиги сабабли ДСИ судга мурожаат қилиб, унга нисбатан 
Солиқ кодекси 114-моддасининг учинчи қисмига асосан 390 100 000 
сўм молиявий жарима қўллашни сўраган .
Биринчи инстанция судининг 2017 йил 6 майдаги ҳал қилув 
қарори билан ариза қисман қаноатлантирилиб, Солиқ кодекси 
112-моддасининг тўртинчи қисми қўлланилган ҳолда МЧЖга 
нисбатан Солиқ кодекси 114-моддасининг учинчи қисмига 
асосан қўлланилиши сўралган 390 100 000 сўм молиявий жарима
150 000 000 сўмга камайтирилган .
кассация инстанцияси судининг 2017 йил 26 августдаги қарори 
билан биринчи инстанция судининг ҳал қилув қарори бекор қилиниб, 
ДСИнинг аризаси тўлиқ қаноатлантирилган ва МЧЖга нисбатан 
390 100 000 сўм молиявий жарима қўлланилган .
кассация инстанцияси суди бундай хулосага келишда Солиқ 
кодекси 111-моддасининг биринчи қисми, 112-моддасининг тўртинчи 
қисми ва Пленумнинг 2010 йил 18 июндаги 210-сонли қарори 
35 .1-бандининг учинчи хатбошисига таянган .
Солиқ кодекси 112-моддасининг тўртинчи қисмига мувофиқ 
қўлланиладиган молиявий санкция ҳуқуқбузарликнинг оқибатларига 
номутаносиб бўлган, жавобгарликни енгиллаштирувчи ҳолатлар 
аниқланган тақдирда, шунингдек ҳуқуқбузарнинг моддий аҳволини 
инобатга олиб, суд Солиқ кодексининг 17-бобида назарда тутилган 
молиявий санкциянинг энг кам даражасидан ҳам камроқ, бироқ 
белгиланган санкция энг кам миқдорининг 25 фоизидан кам бўлмаган 
миқдорда, сабаблар ва асосларни албатта кўрсатган ҳолда молиявий 
санкция қўллашга ҳақли .
Солиқ кодекси 111-моддасининг биринчи қисмига асосан солиққа 
оид ҳуқуқбузарлик учун жавобгарликни енгиллаштирувчи ҳолатлар 
деб қуйидагилар эътироф этилади:
● оғир шахсий ёки оилавий шароитлар кечиши оқибатида 
ҳуқуқбузарлик содир этиш;
● таҳдид ёки мажбурлаш таъсирида ёхуд моддий, хизмат ёки 
бошқа жиҳатдан қарамлик сабабли ҳуқуқбузарлик содир 
этиш;

---