Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
256
саккизинчи қисмига мувофиқ унча оғир бўлмаган молиявий 
санкцияни оғирроқ жарима билан қамраб олиш орқали солиққа 
оид ҳуқуқбузарликлар мажмуи бўйича жавобгарга нисбатан 
11 233 125 сўм миқдорида молиявий жарима тайинлаган ва биринчи 
иш бўйича қўлланилган 4 493 250 сўм молиявий жаримани ҳисобга 
олиб уни айириб ташлаган ва молиявий жаримани иккита жарима 
ўртасидаги фарқ суммаси миқдорида, яъни 6 739 875 сўм қийматда 
қўллаган . 
7.8. Агар солиққа оид ҳуқуқбузарлик солиқ тўловчи 
мансабдор шахсларининг жиноий қилмишлари оқибатида 
содир этилган бўлса, солиқ кодекси 112-моддасининг 
тўртинчи қисмида белгиланган қоида қўлланилмайди.
Туман прокуратураси томонидан қўзғатилган жиноят иши 
доирасида “Баҳор” МЧЖда (кейинчалик мисол матнида ”МЧЖ” 
деб юритилади) “Молиявий-хўжалик фаолияти юзасидан тафтиш 
тайинлаш ҳақида”ги қарори қабул қилинган . Мазкур қарорга 
асосан МЧЖ томонидан солиқ қонунчилигига риоя қилиниши, 
давлат бюджетига солиқ ва бошқа мажбурий тўловлар тўғри 
ҳисобланганлиги, улар бўйича тўлиқ ва ўз вақтида ҳисоб-китоб амалга 
оширилганлиги юзасидан 2017 йил 6 январда режадан ташқари 
текшириш ўтказилган . Текшириш натижаси юзасидан тузилган 
далолатномага кўра МЧЖ 2014–2016 йиллар мобайнида 1 950 500 000 
сўм пул маблағларини ноқонуний равишда нақдлаштирганлиги 
аниқланган . Бу ҳақда қонун ҳужжатларида белгиланган тартибда 
далолатнома расмийлаштирилган . 
Солиқ текшируви материаллари кўриб чиқилиб, натижаси бўйича 
қарор қабул қилинган . Мазкур қарорга асосан МЧЖга нисбатан 
Солиқ кодекси 114-моддасининг учинчи қисмига асосан ноқонуний 
равишда нақдлаштирилган 1 950 500 000 сўм пул маблағларининг
20 фоизи, яъни 390 100 000 сўм молиявий жаримани ихтиёрий тўлаб 
бериш тавсия этилган .

---