Cover page obzor iqtisodiy-last 7B. cdr

7-боб. Тадбиркорлик субъекТларига нисбаТан ҳуқуқий Таъсир
чораларини қўллаш билан боғлиқ ишлар бўйича суд амалиёТи
259
“Олмос” МЧЖга (кейинчалик мисол матнида ”жавобгар” деб юрити-
лади) қарашли савдо дўконида солиқ қонунчилигига риоя қили-
ниши юзасидан қисқа муддатли текшириш ўтказилган . Текширишда 
харидорга 65 500 сўмлик харид қилинган озиқ-овқат ва бошқа 
хўжалик моллари учун нкМ чеки берилмаганлиги, савдодан тушган
234 200 сўм нақд пул нкМ хотирасига кирим қилинмаганлиги
ва 8 турдаги 252 та 4 450 000 сўмлик товар моддий бойликлари нинг 
кирим ҳужжатлари йўқлиги аниқланган . Бу ҳақда қонун ҳужжатла-
рида белгиланган тартибда далолатнома расмийлаштирилган . 
Солиқ текшируви материаллари кўриб чиқилиб, натижаси бўйича 
қарор қабул қилинган . Мазкур қарорга асосан жавобгарга Солиқ 
кодекси 114-моддасининг биринчи қисмига асосан 4 450 000 сўм, 
119-моддасининг биринчи қисмига асосан 3 907 200 сўм молиявий 
жаримани ихтиёрий тўлаб бериш тавсия этилган .
Жавобгар томонидан молиявий жарима ихтиёрий тўлаб 
берилмаганлиги сабабли ДСИ 2016 йил 12 майдаги ариза 
билан судга мурожаат қилиб, унга нисбатан Солиқ кодекси 
114-моддасининг биринчи қисмига асосан 4 450 000 сўм, 
119-моддасининг биринчи қисмига асосан 3 907 200 сўм молиявий 
жарима қўллашни сўраган .
Биринчи инстанция судининг 2016 йил 14 июндаги ҳал қилув 
қарори билан ариза қаноатлантирилган . Суд жавобгарга нисбатан 
Солиқ кодекси 108-моддасининг саккизинчи қисмига асосан унча 
оғир бўлмаган молиявий санкцияни оғирроқ жарима билан қамраб 
олиш орқали 4 450 000 сўм молиявий жарима қўллаган .
Ҳайъатнинг 2017 йил 2 февралдаги қарори билан биринчи 
инстанция судининг ҳал қилув қарори ўзгартирилиб, 3 907 200 сўм 
молиявий жарима қўлланилган .
Ҳайъат бундай хулосага Солиқ кодекси 114-моддасининг иккинчи 
қисмига асосланган .
Солиқ кодекси 114-моддасининг иккинчи қисмига асосан 
кирим қилинмаган товарлар қўзғатилган маъмурий ҳуқуқбузарлик 
тўғрисидаги иш ёки жиноят иши доирасида давлат даромадига 
ўтказилган тақдирда, ушбу модданинг биринчи қисмида назарда 
тутилган санкция қўлланилмайди .

---