Cover page obzor iqtisodiy-last 7B. cdr

7-боб. Тадбиркорлик субъекТларига нисбаТан ҳуқуқий Таъсир
чораларини қўллаш билан боғлиқ ишлар бўйича суд амалиёТи
245
Солиқ текшируви материаллари давлат солиқ хизмати органи 
томонидан кўриб чиқилиб, натижаси бўйича тегишли қарор қабул 
қилинган . Ушбу қарорга асосан тўлаб бериш тавсия этилган молиявий 
жарима Хусусий корхона томонидан ихтиёрий тўланмаган . 
Шу сабабли ДСИ судга ариза билан мурожаат қилиб, Хусусий 
корхонага нисбатан Солиқ кодекси 114-моддасининг учинчи 
қисмига асосан 4 500 200 сўмнинг 20 фоизи миқдорида, яъни
900 040 сўм, 119-моддасининг биринчи қисмига асосан 4 493 250 сўм, 
119-моддасининг учинчи қисмига асосан 14 977 500 сўм молиявий 
жарима қўллашни сўраган .
Биринчи инстанция судининг 2017 йил 14 мартдаги ҳал қилув 
қаро ри билан ариза қаноатлантирилган . Хусусий корхонага нисбатан 
Солиқ кодекси 114-моддасининг учинчи қисмига асосан 900 040 сўм, 
119-моддасининг биринчи қисмига асосан 4 493 250 сўм, 119-мод-
дасининг учинчи қисмига асосан 14 977 500 сўм молиявий жарима 
тайинланиб, Солиқ кодекси 108-моддасининг саккизинчи қисмига ва 
Пленумнинг 2010 йил 18 июндаги 210-сонли қарорининг 25 .3-бан-
дига асосан тайинланган жарималарни тўлиқ қўшиш орқали 
15 803 400 сўм молиявий жарима қўлланилган . 
Мазкур Пленум қарорининг 25 .3-бандига кўра, солиқ тўловчи 
томонидан солиққа оид бир неча ҳуқуқбузарлик содир этилган 
тақдирда, агар бошқа ҳуқуқбузарликлар билан бир қаторда, Солиқ 
кодекси 119-моддасининг биринчи ва иккинчи қисмларида назарда 
тутилган ҳуқуқбузарлик ҳам мавжуд бўлса ва ушбу ҳуқуқбузарлик 
учун белгиланган молиявий жарима миқдори содир этилган бошқа 
ҳуқуқбузарликлар учун белгиланган молиявий жарима миқдоридан 
оғирроқ бўлса, жариманинг узил-кесил миқдори тўлиқ ёки қисман 
қўшиш йўли билан аниқланади .
Бунда жариманинг узил-кесил миқдори Солиқ кодекси 119-мод-
да сининг тегишли қисмида назарда тутилган энг юқори миқдо-
ридан ошиб кетиши мумкин эмас, қисман қўшишда эса жариманинг 
узил-кесил миқдори Солиқ кодекси 119-моддасининг тегишли 
қисмида назарда тутилган энг кам миқдордан кам бўлмаслиги керак .
Ваҳоланки, ушбу Пленум қарорининг 25 .3-банди мазмунига 
кўра бошқа ҳуқуқбузарликлар билан бир қаторда, Солиқ кодекси 

---