Cover page obzor iqtisodiy-last 7B. cdr

7-боб. Тадбиркорлик субъекТларига нисбаТан ҳуқуқий Таъсир
чораларини қўллаш билан боғлиқ ишлар бўйича суд амалиёТи
241
Ҳайъатнинг 2017 йил 20 августдаги қарори билан биринчи 
инстанция судининг ҳал қилув қарори бекор қилинган ва МЧЖга 
нисбатан 4 493 250 сўм молиявий жарима қўлланилган .
Ҳайъат бундай хулосага келишда Солиқ кодекси 108-моддасининг 
саккизинчи қисми ва Олий хўжалик суди Пленумининг “Хўжалик 
судлари томонидан Ўзбекистон Республикаси Солиқ кодекси 
умумий қисмини қўллашнинг айрим масалалари ҳақида” 2010 йил 
18 июндаги 210-сонли қарорининг (кейинчалик матнда ”Пленумнинг 
2010 йил 18 июндаги 210-сонли қарори” деб юритилади) 25 .1-бандига 
асосланган .
Солиқ кодекси 108-моддасининг саккизинчи қисмига биноан 
солиқ тўловчи томонидан солиққа оид бир неча ҳуқуқбузарлик содир 
этилган тақдирда, жарима тарзидаги молиявий санкциялар унча оғир 
бўлмаган молиявий санкцияни оғирроқ жарима билан қамраб олиш 
ёхуд тайинланган жарималарни тўлиқ ёки қисман қўшиш орқали 
солиққа оид ҳуқуқбузарликлар мажмуи бўйича қўлланилади . Бунда 
жариманинг узил-кесил миқдори жариманинг юқори миқдори 
назарда тутилган ҳуқуқбузарлик учун белгиланган энг кўп миқдордан 
ошиши мумкин эмас .
Шунингдек, Пленумнинг 2010 йил 18 июндаги 210-сонли қарори-
нинг 25 .1-бандида солиқ тўловчи томонидан солиққа оид бир неча 
ҳуқуқбузарлик содир этилган тақдирда, ҳар бир ҳуқуқбузарлик учун 
алоҳида жарима тайинланиб, сўнгра Солиқ кодекси 108-моддасининг 
саккизинчи қисмига асосан жарима тарзидаги молиявий санкциялар 
унча оғир бўлмаган молиявий санкцияни оғирроқ жарима билан 
қамраб олиш ёхуд тайинланган жарималарни тўлиқ ёки қисман 
қўшиш орқали солиққа оид ҳуқуқбузарликлар мажмуи бўйича 
қўлланилиши ҳақида тушунтириш берилган .
ДСИ томонидан киритилган аризада Солиқ кодексида назарда 
тутилган солиққа оид бир неча ҳуқуқбузарликлар бўйича молиявий 
жарима қўллаш сўралган . Шу боис Ҳайъатнинг қарорида биринчи 
инстанция суди томонидан МЧЖга нисбатан молиявий жарима Солиқ 
кодекси 108-моддасининг саккизинчи қисмига асосан солиққа оид 
ҳуқуқбузарликлар мажмуи бўйича қўлланилиши лозим бўлганлиги 
қайд этилган .

---