Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
234
унга кўра устав жамғармаси 20 000 000 сўмни ташкил этган ҳолда
14 165 дона акцияларга бўлинган .
Шунингдек 2015 йил 22 декабрда АЖнинг уставига ўзгартириш 
киритилиб, унинг устав жамғармаси 55 000 000 сўм этиб белгиланган . 
АЖнинг овоз берувчи акцияларининг 16 фоизидан ортиғини 
ташкил этувчи акциядорлари 2016 йил 23 апрелда АЖ кузатув 
кенгашига акциядорларнинг навбатдан ташқари умумий йиғилишини 
чақиришни сўраб мурожаат қилган . 
АЖ томонидан акциядорларнинг навбатдан ташқари умумий 
йиғилиши чақиртирилиб, уни ўтказиш 2016 йил 26 июлга белги-
ланган . 
2016 йил 26 июлда акциядорларнинг умумий йиғилиши ўтказилиб, 
унда саноқ комиссияси аъзолари сонини ва шахсий таркибини 
тасдиқлаш ҳамда АЖ кузатув кенгаши аъзоларининг ваколатларини 
муддатидан илгари тугатиш, янги кузатув кенгашининг сон таркибини 
белгилаш ва уларнинг аъзоларини сайлаш тўғрисида қарор қабул 
қилинган .
Мазкур қарордан норози бўлган АЖ акциядори Хўжақулова 
нафиса Самадовна судга ариза билан мурожаат қилиб, АЖ 
акциядорларининг 2016 йил 26 июлдаги навбатдан ташқари умумий 
йиғилиш қарорини ҳақиқий эмас деб топишни сўраган . 
Биринчи инстанция судининг 2016 йил 18 ноябрдаги ҳал қилув 
қарори билан ариза талабини қаноатлантириш рад этилган .
Чунки “Акциядорлик жамиятлари ва акциядорларнинг 
ҳуқуқларини ҳимоя қилиш тўғрисида”ги Ўзбекистон Республикаси 
Қонуни 60-моддасининг ўнинчи қисмига кўра, агар акциядор узрли 
сабабга кўра акциядорларнинг умумий йиғилишида иштирок этмаган 
ёки бундай қарор қабул қилинишига қарши овоз берган бўлса, у 
акциядорларнинг умумий йиғилиши томонидан қабул қилинган 
қарор устидан судга шикоят қилишга ҳақлидир .
Ўзбекистон Республикаси Олий хўжалик суди Пленумининг 
“Иқтисодий судлар томонидан корпоратив низоларни ҳал этишнинг 
айрим масалалари тўғрисида” 2014 йил 20 июндаги 262-сонли 
қарори 14-бандининг учинчи хатбошисида йиғилишда иштирок этиб, 
низоли масала юзасидан қабул қилинган қарорни ёқлаб овоз берган 

---